歌手官恩娜（Ella）出席彩妝品牌活動，腳踏3吋高跟鞋的她還即席幫小女孩搽唇膏，盡現母愛！她笑言佗了B仔5個多月，預產期在十月，肚皮比正常大： 「其實仲有4個幾月先可以生，5個幾月嚟講，個肚系大過其他人，之前去驗，醫生話BB喺100個細路入面，排第13大，唔知系咪外國血統關係，老公有6尺 3吋高，預計佢出世時有8磅重。（開刀生？）睇醫生建議，咁大都唔知點生，不過我好享受個肚咁大，肥嘟嘟同圓碌碌嘅懷孕感覺。（之後即刻追女？）睇嚇追唔 追得切。」
影寫真惡蚊享自助餐
她與老公剛從泰國Baby Moon回來：「最後一次二人世界，我去到忙住幫自己Set機同Set時間制影大肚相，但因為著三點式影，所以搞到畀蚊咬咗好多啖，自助餐咁。（有沒影裸 照？）沒，自己幫自己影已經好精神分裂。（老公唔幫手揸機？）因為我好有要求，同埋單反機要熟操作，部機系我自己嘅，會熟啲，所以佢喺我隔離陪我餵蚊。」
問會否停工待產？她說：「我好有活力，嚟緊都一直有工作，睇嚇身體情況再決定。（上圍有沒上升？）有，唔敢想像，之前啲內衣褲全部唔啱著。（肥咗幾多？）10幾磅，醫生話BB夠曬營養，我可以食少啲。」
望與衛蘭衛詩合作
談到歌手衛蘭與衛詩加盟其唱片公司，她送上祝賀：「恭喜曬佢哋加入大家庭，唔知以後有沒機會合作，因為我暫時停咗錄音工作。」