拿，想shake好包薯條一啲都唔難，只不過大家都唔知道正確shake法係點。
你肯定會以為m記俾個紙袋你係要你倒曬啲薯條味粉一鍋shake，唉，失敗。點解我咁講?因為要好shake包薯條最緊要兩個字，平均。
佢啲廣告宣傳全部都係呃人，目的就係想你係shake既過程中消耗大量體力，令你更加肚餓，於是同佢買更多野食，咁你咪中曬伏囉。
而且呢種shake法會令味粉分布唔平均，當你倒走包薯條見到仲有一堆味粉係袋底就已經證明咗呢樣野。所以呢種方法絕對係搵你笨。
要做到"平均"真係一啲都唔難。首先將薯條倒曬落個餐盤度，每一條薯條之間都要有固定距離，由長至短，外至內咁鋪，而且絕對唔可以有重疊，原因下面再講。
你而加可以拎起個紙袋，打開佢，再倒啲味粉落去，然後再用盡你九牛二虎之力，有咁漲吹到咁漲，但係唔好唔記得綁實袋口前索番幾啖，預先感受即將帶黎既震撼。
然後，你將綁好既粉袋輕輕shake兩下,令到啲粉更分散，最後將粉袋舉高，大力一拍，基於物理學explosion原理，每一粒粉既粒子都會受到同樣既反作用力而平均擴散，呢個時候，你可以慢慢欣賞味粉徐徐而下，帶著燈光既閃爍，降落到你盤薯條上，由於你已經排好曬薯條既位置，所以可以開始品嘗你既薯條，堪稱為完美之作!
你可以再望望店內其他客人既目光，佢地係驚嘆緊點解有人會咁聰明，心中自然會冒起對你既敬仰之情，以你作為做人處事既好榜樣。
美國男子報復EX戴綠帽 twitter瘋轉：史上最賤分手...
港女:「識食一定食洋腸！」原因如下...
【震驚十幾年的事實】吃了那麼多年葡萄，才知道根本不用一顆一顆洗.....
女生做這十件事情, 足以讓男友臉紅心動！
重病母親堅持不墮胎，胎兒竟然救母報恩！