被封為神劇嘅《大時代》，唔止掀起全城熱話，更突破近10年來嘅深宵重播收視，創下最高8點佳績，仲帶挈退出多年嘅大佬孝(邵仲衡)鹹魚翻生。無綫食髓知味，今周起重播89年台慶劇《他來自江湖》，有周星馳、吳孟達呢個夢幻組合又有全盛時期嘅毛舜筠、恬妞，同好戲之人萬梓良、黃秋生同許紹雄，呢啲組合，依家冇啦！就搵嚟十個劇集必睇位俾大家止嚇咳先！
星馳首創經典對白
星爺喺《他來自江湖》開創無厘頭風氣，而且有好多經典對白，比如：「好嘢、失禮、佩服」、「認識你算是我嘅代表作」、「連我都俾人蝦嘅話咁就真係冇王法」等等。
必睇爆笑場面
星爺狂打梅小惠
第30集大結局，周星馳與梅小惠被人捉去後， 為睇《夥頭智多星》大結局，氹掂看守他們的人暫放出來一齊睇，梅小惠趁機用壘球棍撲暈對方欲偷走， 事敗後，星爺為自保竟打埋一份甚至用到壘球棍鑿梅小惠。
星爺熱唱夏金城
周星馳劇中無時無刻都在唱香港八十年代另類歌手兼indie元祖夏金城的「名曲」，獨特歌腔的〈為了靚靚〉、〈馬小靈〉、〈正邪之爭〉等都收到爆笑效果。
星爺啃爆缸梅小惠
事後星爺問被圍毆的梅小惠傷勢，小惠回眸一望血流披面，周星馳辯稱用壘球棍替她擋其他人的拳腳棍，小惠怒罵他不負責任，星爺話一定會負責，小惠即表示：「係咪我冇人要你要我先？」星爺指如果你冇人要我要你，言畢即行雷閃電，小惠冧爆話：「咁你放心啦，我冇人要.！」場面爆笑。
梁芷珊演秋生女人
才女梁芷珊於劇中演黃秋生的同居女人兼時裝店老闆娘Maggie，擔任其司機的周星馳對她嗒曬糖經常藉故親近，第28集梁芷珊更作水著演出。
黃秋生遭亂槍射死
大結局黃秋生捉了萬梓良女友毛舜筠，因而得知萬子用海洛因與澳洲幫毒販交換周星馳與梅小惠的地點，趕到時與埋伏的警方發生槍戰，最終拒投降的秋生被警察、CID、飛虎隊亂槍射死。
星爺 小惠爆笑扮樹
第29集黃秋生派手下殺死澳洲幫毒販食對方夾棍，滅口時，不知運毒的周星馳因執頸鏈及逃亡時遇衣著一樣的大陸偷渡者做替死避過一劫，到電話亭致電表哥萬梓良求救，一遇到有可疑車輛經過即扮樹博人睇唔到，就連趕過來的梅小惠亦扮埋一份，博人當佢哋係樹，結果梗係被人捉走。
黎耀祥握星爺屎手
第28集周星馳在公司開大時，一不留神廁紙跌曬落地全濕透只剩一小角，焗住用右手指清潔屁股，豈料廁所冇水，視帝黎耀祥等同事一見星爺出來即與他握手，星馳縮唔切手一臉尷尬！
萬子 恬妞忍痛分手
第19集恬妞獲太平洋電影「最佳新人」獎後，獲國際導演睇中邀演《慈禧太後》的女主角並簽約五年進軍荷李活，第20集萬梓良為女友的前途著想，忍痛與對方分手。
周星馳成日扮賭神
劇中周星馳經常扮周潤發的賭神，黑超黑大褸加上扮慢鏡行路，極具戲謔效果，一年後在電影《賭聖》再扮多次。
李力持狂客串
《他來自江湖》的編導李力持不時於劇中客串，包括第1集的士乘客、第2集街市路人、第27集大牌檔食客、第28集路人。
來源