3億武則天 穿崩位逐個捉
無綫熱播緊嘅《武則天》絕對係今年最爆劇集，首先係位位波濤胸湧嘅女演員慘被封胸搞到天怒人怨，繼而有人提出唔少劇情同人物設定都同史實不符。更重要嘅係，今時今日網際網路咁發達，如果套劇集有啲咩穿崩位係絕對逃唔過觀眾嘅法眼，之前TVB都領教過唔少。我哋依家又睇嚇大製作《武則天》又有啲咩穿崩位先！
唐太宗化身街頭魔法王
喺第17集，唐太宗喺番邦使節面前表演箭藝，一箭射中武則天咬喺口中嘅花。不過佢明明射到支花嘅花瓣爆開曬又得番支梗，但下一幕武則天就喺地下執番支完整嘅花，再嚟個大特寫影佢拎住一支完整嘅花喺手，唔通唐太宗都係街頭魔法王？
長孫無忌毛腿現形
參見皇上……見到唐太宗當然要下跪，不過在劇中飾演長孫無忌，仲長命過唐太宗的他，上朝下跪時唔小心露出毛腿，夠曬通爽。
燈柄走位
喺第1集，武如意同徐慧去到水邊放蓮花燈，本身燈柄係放肩膀上，不過下一秒鏡頭燈柄已經喺武如意手中。
太子戴錶殺父皇
廢太子前，有幕講述太子為了救男僕稱心，不惜犯欺君之罪，訛稱已殺稱心，實情將稱心安置山區，唐太宗知道大怒，在太子面前殺掉稱心，太子發狂撲向唐太宗，此時近鏡一睇，太子戴住黑色膠錶，擺明穿梳時空返嚟！
消失的耳環
在第2集，韋貴妃同宮女講嘢，明明較早前鏡頭韋貴妃係有戴耳環，之後就突然消失咗。可能佢心血來潮除咗呢？
變走托盤
又係韋貴妃同宮女講嘢嘅時候，原本宮女捧住托盤，但太監進來稟告之後宮女個托盤就不翼而飛，唔通係個太監收走咗?
重口味大媽走位
呢集講武如意被貶到洗衣房，太監向武如意介紹洗衣房情況時，隔離地下坐住三個蜜桃胸大媽，由左至右分別係藍衫、灰衫同橙衫，不過之後去到三人特寫嗰陣佢哋坐嘅次序就唔同咗。會唔會係佢哋調咗位傾偈呀？
勒痕走位
第6集，武如意獨自去承慶殿時遇到刺客勒頸，俾條繩緊勒頜骨下方。不過她獲救之後，條勒痕就明顯地往下移到差唔多肩膀位置，相當有嫌疑。當堂令人諗起HKTV《導火新聞線》入面，女主角第2集被斬傷然後第22集會有番疤痕喺相同位置，有時呢啲細微位都好緊要。
3億大製作
有唔少網民都質疑一套咁巨大、高成本嘅製作竟然會出現一啲低級穿崩位，絕對係很大問題。不過相反地，亦都有人認為差唔多一百集嘅電視劇要做到每個細節都完美無瑕幾乎係無可能，叫大家唔好吹毛求疵咁話。不過講真，製作一套認真嘅電視劇，就應該有吹毛求疵嘅心先叫專業嘛！
打去高級西餐廳訂台比人寸 身為毒撚應該點做
[突發] 隔離房傳出呻吟聲
iPhone 4s 點解用極都唔會LAG?? 原來係因為咁. . .
戴住個 太陽係出街。 百萬名錶讓你看宇宙!!!