(左 Ricky與太太Anne 網際網路圖片)
太極鼓手Ricky近日被撞破與戴夢夢拖手令戀情曝光，兩人承認發展中，人夫Ricky強調與太太Anne已分居。據知Ricky與老婆結婚二十七年，當年Anne在新加坡華納唱片工作時認識Ricky，二人育有一子。前晚Anne先以第三者身份連發數封電郵向本報告密：「他太太發現他和戴夢夢有染才匆匆在6月5日搬走。昨天6月8日，他還回來偷東西，他太太報警求助。正人渣」、「是他老婆發現他們有染，還一連捉姦兩次，大打出手。」最後一封Anne才直認：「我是太極樂隊鼓手老婆，我們沒分居沒離婚。為甚麼他們可以謊話連篇，昨天看到報道很傷心。」
記者致電Ricky求證，他強調已分居：「廢話！我搬咗新屋，可以搵工人作證，我哋喺舊屋已經分房瞓兩三星期，佢全部講大話。根本個幾兩個月前分居，其實我哋之前做咗分居紙，傾少少資產點分配，當時佢唔想簽，不過律師E-mail咗草擬書畀我，可以證明唔係呢幾日先決定分居。」對於被指控搬走後返去偷東西？他說：「簡直天大笑話，我返去攞一個梳化咕o臣、一盞射燈仔、兩支紅酒，就係咁多嘢，佢想玩我，話我入屋盜竊報警。」
問到離婚原因？他說：「好私人，好難答，日積月累夫妻問題，總之強調絕對唔係識夢夢導致離婚，最近同佢出街都係呢幾星期事，我承認發展中，拖手都係呢幾日事。」對於Anne聲稱在沙田捉姦大打出手，他說：「冇，唔好玩啦，真係好恐怖。嗰日約咗夢夢傾嘢，因為佢係大名娛樂，我哋好多合作關係，接觸多對佢有好感，真係公事開始先，冇乜唔正常，嗰時已經分居。」
二十七年的婚姻弄致如斯田地，Ricky無奈說：「坦白講佢唔係娛樂圈人，令佢承受壓力我都唔想，但佢唔可以侮蔑我講大話。」問會否與夢夢繼續發展？他說：「唔知，可能佢聽日好怕我走咗呢，我諗夢夢都好驚，佢都係受害者，明明分咗居咁煩，我又唔係富貴，我哋呢啲阿伯咁，忘年……其實又唔係好忘啫。」
不過，Anne接受本報電話訪問卻說出另一版本：「佢有提出分居，但冇話離婚，佢係6月5日搬出去住，分房都係5月1日開始。」點解婚姻出現問題？她指名道姓控訴：「因為戴夢夢，有人撞到佢哋兩次，一次4月喺大坑食義大利粉，我去到時Ricky話傾製作，前一日睇到Ricky個手機WhatsApp，有個Renee Dai：『BB我到咗屋企，我瞓啦！』我叫佢唔好搞我老公；4月25日Ricky去廣州，有朋友話大學站見到佢，我諗到沙田有酒店，去到見夢夢同老公飲嘢，挨得好近，問佢同我老公係咪有嘢？戴夢夢發爛渣，我摑佢一巴，佢避開咗。」.
Anne表示自此後與Ricky關係變差，她說：「夢夢出現之後先分居。」問Ricky有否向她交代？Anne說：「佢話當叫x！之後我哋鬧交，佢6月5號搬走，8號返嚟拆燈、咕、攞紅酒，我報警。8日（拖手）新聞出，分居要滿一年先離婚，我仲係佢老婆，睇到新聞好震驚好嬲。」問會否答應離婚？她說：「未知，一年後睇嚇點先。」
對於婚姻破裂，她說：「好唔開心，點解啲人可以咁厚顏無恥，大家好嚟好去，但唔鍾意啲人講大話。」有否憎恨Ricky？她說：「唔會，我唔係怨婦，只係講出事實，成日問佢都話唔係戴夢夢，但搬走三日就話發展中，有少少被欺騙。」
至於被指第三者的夢夢昨透過短訊回覆：「當事人已解釋了所有事情，我不便再作任何回應，但由始至終都相信他！」
http://hk.apple.nextmedia.com/enews/realtime/20150611/53839352
真的沒想到！這些女明星居然都被包養了！
《恐怖電視城》！TVB過去藝員們的真實靈異故事. . .
今日人生第一次去 I.T ( 好似係 )買野 . . . .
[絕對認同] sms比到你既係希望，whatsapp比到你既係絕望
霆鋒心痛婆婆 捱熱輪籌賺微利