90年代中期爆Hit，年輕人必備。當時唔夠錢買唔緊要，女人街$35一隻，手工超粗，假到不行。其後接力嘅潮錶應該係G-Shock到而家都仲有得賣，至於Boy London錶，呢類潮款已絕跡街上。
美國牌子，90年代勁多人會著住呢個牌子嘅褸，背後一大個手掌印Logo，驚屎人睇唔到。
第一對運動鞋，90後or 00後好大機會係Nike Adidas，但早一代半代人，第一對好大機會係本地薑垃圾池Yasaki/ Kamachi/ Addin，價錢比來佬牌平一半，70-90年代好多人都會有，而家只能喺舊鞋店搵到，但買咗你又會唔會著呢。
講到運動鞋點可以唔提美國品牌LA Gear，90年代一款LA lights係列，閃燈波鞋，好多人著住出街點都要行到夜晚，吸引Kamachi等廠商都出閃燈波鞋分一杯羹。呢款波鞋而家真係擺得入博物館，如果而家喺門市買到，恭喜你，話埋俾我聽等我買嚟夜晚著嚟打街波。
York小喇叭大喇叭牛仔褲，仲有漸變色變成龍，90年代潮人必備，地位同Levis睇齊，而家睇返旺味甚濃，幾乎冇人著出街。現時旺角西洋菜南街始創中心對面有間鋪仲有大把現貨；最近日本流行時裝雜誌有好多喇叭褲相，機會又再嚟嗎？
我未去過，但廣告歌就狂聽，80-90年代好興。「想靚想cute想style想fashion想款想威想beautiful，名髮廊」仲喺腦海度loop，著到一身潮服，當然要去潮髮型屋先夠堅！
本地薑紅A牌，50年代左右發跡後幾十年，家家戶戶都會有－水桶、膠杯、洗臉盤、膠箱……100% made in HK，到現時仍屹立不倒，簡直係獅子山精神具體象徵，現時產品式微，但有時你去餐廳、醫院，都會有紅A膠製品嘅足跡。
90後及2000後一定熟悉呢個運動用品品牌，不論小學雞定中學L，返學出街幾乎必備，價錢大眾化，質素緊逼歐美名廠牌子，仲有得好平咁整球隊衫，型呀！而家雖然仲有門市，但街上球場上已好難搵到著super X嘅人或波友。
Reno 並唔係大牌子，但喺80年代相當流行，Reno係男裝，再以Donna打開女裝市場，發展到咁上下就突然消聲匿跡，只能夠從舊電視廣告去睇呢個牌子嘅風采。
俗稱「白飯魚」嘅布鞋，鞋盒寫著tennis shoes，但唔少60 70 80後都著佢嚟上體育堂，踢波打籃球桌球波都見到佢，尤其踢石屎地，鞋嘅物料薄貼腳抓地力強，性價比超高，成為唔少波友恩物。十蚊一對，著爛咗咪換過對！
今時今日，絕大部分人著波boot，較能保護雙腳，白飯魚亦都因為需求太少，面臨停產命運，時間無情，但呢個classic中的classic，定要擺第一。
MORE AT:
https://www.facebook.com/pages/GAG-ZONE/1422458507983399
你擁有嗎???世界上最美麗的五雙眼 !!
[真人真事]驚悚！5部改編自真實事件的恐怖片
10分鐘自製薯片，5蚊都唔洗！
知唔知咩叫100% 港女呀,我話你知呀,我條女就係呀!! 條八婆...