鮮奶蛋撻食譜 大約整到 12個 (約 7 x 7 cm)
程序
第一係要整咗 {撻皮} 先, 因為起碼要雪1個鐘才用得.
第二係要整 {鮮奶餡}.
預備功夫
第一係要將無鹽牛油室溫放至軟化.
第二係要將雞蛋放置室溫.
第三係要將低筋麵粉先篩勻.
撻皮材料:
牛油……………………90g
糖霜……………………40g
雞蛋……………………12g
牛奶……………………8g
低筋麵粉………………170g
鮮奶餡材料 :
蛋白……………………2隻
鮮奶(細屋)……………1盒
糖霜……………………60g
撻皮做法:
1. 將已放軟嘅無鹽牛油 + 糖霜, 用打蛋器快手攪勻至變白.
2. 將雞蛋加入 (1) 攪勻, 再加入牛奶攪勻至完全混合於牛油中.
3. 將低筋麵粉分3次篩入 (2) , 用橡皮刀拌勻, 搓成撻皮.
4. 將撻皮用保鮮紙包好放入雪櫃, 雪1個鐘.
5. 將撻皮取出, 用棍壓成3-4mm厚度, 用模印出撻皮形狀.
6. 將撻皮放入撻模中心, 由中心開始慢慢按壓至邊位, 撻皮邊位要高過撻模, 再吉幾個小孔, 放入雪櫃雪凍備用. [完成]
鮮奶餡做法:
1. 將蛋白先發好.
2. 將鮮奶 + 糖霜攪勻.
3. 將 (1) + (2) 攪勻至混合. [完成]
組合做法:
A. 將撻模排好係焗盤上.
B. 將鮮奶餡倒入撻模內. (90%滿).
C. 用230度, 焗約20-25mins. [完成]
如有侵權, 收到通知會盡快移除