其實是咁的！
我有一個男朋友 我地拍左6年拖 但其實其中有5年半有多既感情都係網戀黎
我14歲係個game到識左佢 個時就已經一齊左 個時其實我係用假相 甚至假名黎呃佢
個時我有約佢好多次出黎我都冇去 因為我本身就唔係咁既樣
可能佢都知道 但係佢冇同我講分手其他個啲 就係咁
我地咁樣維持左兩年到 後來我同佢都頂唔順 就索性冇一齊
但係都有keep住聯絡 就係咁離合左好多次
直到呢排 佢又搵返我 佢話仲好中意我
但係我唔想呃佢 所以我同佢講我用假相又用假名
之後佢話佢知 但係佢唔會介意我個樣係點
佢話就係中意我呢份人 我聽完之後好感動
所以我之後個一日去左見佢 我地個日做左好多一般情侶會做既事
錫 攬 拖手都有 佢仲陪我陪到好夜
之後我返到屋企 佢就叫我同佢一齊 我應承左
到到而加佢都好錫我 佢同我講呢6年佢冇同過人一齊就係為左等我
其實我地好耐先見一次 因為我地住得遠 加上佢要返兩份工冇時間
我成日因為咁唔開心 但係我都有體諒佢冇發佢脾氣
佢又話儲緊錢會同我結婚 佢又諗左好多以後既事
但係其實我覺得佢呃我 邊有人會唔介意人地呃你咁耐
我好怕呢段感情唔長久 好怕佢係為左負責任同承諾先同我一齊
點算好？？？？