自從小學畢業旅行之後我就未燒過野食
因為我跟本冇朋友
我實在好想去燒,
但係礙於一個人燒野食太異相,
於是我仔細咁準備今晚既行動
由於我要俾人感覺係好多人去燒,
於是我參考一個人去唱K既手足方法, 想左個妙計
我預先準備好幾個超市膠袋,
裡麵塞滿報紙扮買左好多野,
當然, 其中一個袋係有我既食物都飲品
今晚我去到燒烤場,
一望發現其中一個不顯眼既角落有個空爐
於是我即時放底2包炭霸爐
冇錯, 你冇睇錯, 的確係2包炭
我之前研究左好耐, 食物可以扮,
但包炭真係好難扮,
所以就算明知用唔哂都買左2包炭,
咁先冇咁易令人起疑
當我放好D炭之後,
我就舖好檯布, 然後一字排開我D"食物袋"
等人容易見到, 令人相信我有好多人燒.
我絲絲然拎罐汽水出來,
呷一啖, 然後開始用D膠檯布舖好哂4張石椅
當然目的都是想令人覺醒好多朋友黎緊,
呢個時候, 我留意到旁邊個爐0個班為數6-7人既MK仔女開始注意我,
我臨急智生, 拎個電話出黎,
然後扮接電話, 調高聲音講: "喂~我到左既, 你地到未呀"
然後扮收線...
我偷偷望一望班MK仔女,
發現佢地冇再注視我,
看來成功了
我開始拆開包炭, 開始透爐,
作為一個高登仔, 要透著一個爐簡直易如反掌,
三扒兩撥個火已經燒到"陷陷聲"
萬事俱備,
我仔細咁拆開D食物包裝,
準備好叉我心愛既廚師腸既時候,
我發現左一件晴天霹靂既事
天呀~~~
我竟然 .....
忘！記！帶！叉！
我靠~
今次真是無叉用
點算呢?
我呢個時候需要冷靜
我運用非線性思考方法去諗解決辦法.
問旁邊既MK仔有冇叉? 唔 WORK, 一定俾佢地笑
問遠處既一家大細借叉? 人地應該冇多餘叉
容我再強調一次, 作為一個高登仔 加上我係MAN VS WILD 同埋survivor既忠實擁躉,
呢個situation 應該難唔到我.
我決定發揮我最大既潛能...
我俏俏咁行埋垃圾筒, 睇下有冇人地掉出黎既叉....
天呀~我簡直係天才,
行埋去俾我見到垃圾筒旁邊放左幾支人地用過既叉,
我首先望一望周圍睇下有冇人望過來, 冇!!!!!!!!!!
再如天空上既飛鷹望住獵物一樣鎖定我既目標: 垃圾筒旁邊0個幾支叉
我轉身背向垃圾筒, 再CONFIRM一下有冇人留意我, 冇!!!!!!!!!!
我慢慢以MOON WALK既方式一邊環顧四周一邊向後溜向垃圾筒,
移動左大概237CM之後, 地上0個幾支叉已經觸手可及,
我以迅雷不及掩耳的手法, 靜悄悄地拎起D叉
然後若無其事慢慢行埋我個爐度
======== Part4 =========
話說當我拎左D二手叉返去時,
我好似一個鑄劍師一樣坐係火爐前麵
揀其中一支比較乾淨既黎用.
正所百洗為淨, 我用水洗一洗支叉
再係火上麵燒一燒, 經驗話比我知已經乾淨可以用了
呢個時候, 我要忍住急不及待想燒既心情,
首先要做一件事,
無錯, 就係拎個電話出黎,
我按兩個然後向個電話講,
"喂~仲未到呀? 我燒住等你地啦"
留意, "你地" 兩個字我比較大聲講出黎,
終於, 我可以開始燒野了
第一關已經過左, 現在我隻要間中拎個電話出黎按下,
就可以完美地暪天過海令人相信我唔係一個人燒野食
不過我份有比較有遠見,
其實我心裡已經開始盤算住如何撤退
======== Part5 =========
最後, 我終於食完所有野, 是時候要走喇,
我首先將檯麵用完既物品分批掉
(要分批,因為一次過掉哂太可疑)
剩底幾包塞滿報紙既膠袋仍在檯上.
之後係最後步驟,
我拎起支汽水放係爐邊, 然後我"好唔小心咁"整跌佢,
汽水應聲倒下淋熄個爐,
之後我扮執起支汽水, "好唔小心咁"倒DD汽水落自己條褲度,
同時我高叫"頂~濕哂"
旁聽既MK仔聽到我叫都拎哂過黎,
我於是繼續演戲, 我自言自語話, "妖~去廁所洗洗先"
於是我好瀟灑咁拎住個背囊, 帶住一條癡立立既褲回家去...