唔少人都試過唔記得帶鎖匙，搞到企門口企到腳仔軟，要阿爸阿媽返到嚟先有得入屋，肥仔黎我細細個都試唔少。最近有網友唔記得帶鎖匙，搞到夜晚返唔到屋企要急call開鎖佬，點知開鎖佬話要$3800先去開鎖。
最近有女網友唔記得帶鎖匙，搞到夜晚要急call開鎖佬，開鎖佬開價$3800先去開鎖。樓主覺得開鎖佬搵笨，喺「巴打絲打 Facebook Club」開post留言：「我真系好想知就算係凌晨三點 搵開鎖佬 淨係開個房門鎖 使唔使收3800 黑店尼 仲甘既態度！你咩開鎖佬咁尊貴？唔怪得知同行都吊柒你 分享出去唔好俾人搵笨」
開鎖佬話夜晚幫佢開鎖要$3800，樓主聽到都呆咗：「你開咩鎖要$3800，獅子開大口咗啲囉」，開鎖佬爆seed話：「深夜係哩啲價」、「小姐，你一晚酒店啊臨時臨急都要千六千八蚊啦，未計你的士都二千幾啦，係咪啊？咁你仲未開喎你個鎖啱唔啱啊？」、「夜晚係咁㗎啦，你唔信自己夜晚打電話問下啲師傅，覆咗你假都未必有人做。」
開鎖佬串串貢，港女竟然冇嬲：「我就係琴晚叫咗人尼開，人哋都係收500」，串嘴開鎖佬補返句：「恭喜你囉，下次繼續唔好帶鎖匙囉，haha，下次唔一定咁好彩。」
唔少網民紛紛留言，好多留言都係反插港女：「叫我嘛， 房門我一腳就開到。」、「老馮要做你生意？又唔係事後昆9你」、「開大d唔想做你生意姐 自己去酒店瞓覺lol」、「3800係包埋小姐下面個鎖，你以為只係開房門鎖咩」。