好耐冇睇打到 bang bang 聲
超刺激嘅警匪片啦
不過即將有得睇！！！
TVB《飛虎之潛行極戰》
（曾用名《飛虎極戰》）
即將於4月6日上線
主角同主題曲一早通曬天
黃宗澤、吳卓羲時隔15年再度合作
胸肌都大咗好多wor
（呢張圖好有「學警」feel）
仲有林峯孖MC JIN唱主題曲
一句「就像我跟你們從沒有別離」
聽到可樂君都有D感動
有Bosco同阿Ron兩個仲未夠
劇集仲集結咗超多「型佬」啊！
有三哥苗僑偉
鬧人「臭雞」鬧到出曬位嘅吳岱融
張兆輝飾演教官
同黃智雯一pair
好耐冇見嘅「阿sir專業戶」王敏德
反派方面有唯唯
女演員呢邊都有睇頭噶
起碼有高Ling同Jeana
雪兒四十幾歲依然好正！！！
警匪片來來去去都係嗰D嘢啦
所以劇情方面冇咩好講
主要睇編劇點吹
與此同時Viu TV爆新戲預告
《Plan B》同樣係警匪片
唔G係咪想同TVB對撼
預告好黑暗好刺激
劇集描寫新時代江湖惡鬥
以一場綁架案開頭
引出一連串幕後嘅爭鬥
畫風相對比較黑暗
唔似TVB嘅咁陽光咁熱血lor
陳啟泰扮黑社會大佬
好串噶
最得戚係佢竟然講下圖呢句話
有幾多人係睇住佢大
而家睇住佢變壞？
《Plan B》雖然陣容冇咁豐富
不過人哋打住「演技派」嘅頭號
陳啟泰、田啟文、王宗堯、陸駿光
共同演繹男人之間嘅角力
一樣夠殺食！！！
wow
要場面有場面
要演技有演技
要情懷有情懷
一邊係Bosco、阿Ron15年後再聚首
一邊係陳啟泰時隔近10年復出拍港劇
兩齣劇集各有睇頭
你揀邊出？