過左一個月所謂的「炮灰期」，今晚TVB終於踏入全新的劇集時期，兩線分別播出《翻生武林》及《果欄中的江湖大嫂》。其中後者被形容為《火線下的江湖大佬》的姊妹作，除了有陳煒，香香同楊明之外，其實都有不少新面孔，當中就有李天縱 (Lena)飾演陳煒老公的小三。
2011年參加完港姐的Lena去年開始拍劇，母語是普通話的她為了練好廣東話，每個月不惜花6000蚊上堂，「教我的老師是之前專門幫成龍配音的鄧榮銾先生，我每個星期學3日，每次2小時，每堂都要500蚊。」
李天縱系《果欄中的江湖大嫂 》飾演張國強情人。
未拍劇前的李天縱擔任了娛樂新聞台國語主播五年時間，幾乎沒有講過廣東話，所以去年正式進入拍劇，才下定決心練習粵語，「有好多字自己以為系岩嘅，但其實系錯嘅，好多時都會發生，『我』會讀左『燒鵝的鵝』，『有』就讀左『油』。」有人話學語言最快的途徑就是認識當地的男士，李天縱立刻回應「當然我想穩到一個咁嘅男朋友，都要睇緣分。」
李天縱透露媽媽其實都會講同聽廣東話，但同自己一樣不太純正，「雖然媽咪來香港生活好多年，我又在香港出生，但都唔系講得特別好。」早前拍攝TVB劇集《兄弟》，由於拍攝過程中都是「飛紙仔」，令她好擔心自己會拖延拍攝進度，「因為基本上24小時之前才有劇本到手，所以無時間準備好。當時拍拍攝的時候，都要拜託鄧老師在拍攝前教我。」