由陳煒、岑麗香、馮盈盈、黃浩然、黃光亮及楊明等主演的新劇《果欄中的江湖大嫂》，將於下周一（3月5日）晚上9時30分首播，新劇由《火線下的江湖大佬》監製梁材遠及班底演員再次合作，由三位「大嫂」陳煒、岑麗香及馮盈盈齊齊反轉油麻地果欄，在男人主導的傳統行業中女人當自強。
同黃光亮稱兄道弟
在前作飾演母女的陳煒與香香，於此劇中飾演兩姑姪，陳煒因負債而回到果欄，為搶回攤檔業權，與黃光亮及黃浩然起衝突成為冤家。
今次陳煒將大放笑彈，飾演一位唯利是圖的過氣女演員，對果欄一眾男士軟硬兼施，與黃光亮更稱兄道弟，最終成功上位做果欄會長。
而女神香香今次戴上眼鏡扮老師，外表斯文的她實際充滿正義感，經常對男士呼呼喝喝，演慣乖乖女的她笑言好玩：「之前都系做啲比較Sweet同斯文嘅角色，今次系一個老師，好有正義感，當佢哋做錯嘢就會喝住佢哋，成日都想將一班男人再教育，都幾新鮮。特別系黃浩然，希望可以做佢嘅好榜樣，搵到人生目標。（做老師多文縐縐對白？）哈哈，都要背成語，但做咗幾集就失業㗎喇！」
「高富帥」袁文傑引陳煒倒追
高大威猛的袁文傑已成為劇迷心中的新一代「上等人」，今次他飾演有米商人，更是希望改革果欄的區議員，身為「高富帥」的他被陳煒視為城中筍盤，展開一段女追男的搞笑感情線，反而與再合作的黃光亮未有感情線。
監製梁材遠笑說：「都想煒哥段感情線可以浪漫啲同靚啲！咁佢哋系老拍檔，加上外表都好相襯！」對於再次與黃光亮合作，監製說：「雖然呢套劇唔會有粗口，但佢句句話都好有氣勢！」
MK盈盈情陷楊明
前港姐冠軍馮盈盈（Crystal）首次擔重戲份，飾演江湖味濃的酒吧老闆娘，而熱心社工楊明希望將她導回正軌而糾纏不清，並發展出感情線，她笑說：「第一次拍劇就咁有型，會爆樽、打人，仲會掟人落海，仲有紋身。」
她直言角色與自己有點似：「有啲粗魯，仲有好多爆炸性言論，我懷疑編劇系咪睇咗我平時嘅節目言論！」
Crystal被網民笑稱個性「MK」，今次演出或是發揮機會？她說：「咁旺角同油麻地都系同屬油尖旺區嘅！
（新人怕被投訴演技？）我都知觀眾高要求，身為新演員都有心理準備接受意見，希望觀眾睇到有咩可改進，可以用各種渠道話我知！好好彩我咁啱又開新劇，可以即時吸收同改進。」