港姐出身嘅陳茵媺（Aimee）、曹敏莉、戚黛黛同朱凱婷向來感情好好，早前佢哋仲趁住農曆新年約埋一齊團拜。呢日幾位好姊妹再相約聚會，就連同樣都係港姐出身嘅李施嬅都有出席添！
李施嬅喺社交網上載佢哋幾姊妹嘅合照，雖然相入面個個都係靚女，但係都唔及相中嘅一名男士搶眼，令李施嬅都忍唔住留言：「請找亮點。」而嗰嗰男士就係陳茵媺嘅老公陳豪啦！成班好姊妹喺前面吹水自拍，而陳豪就做「背後的男人」唔阻住老婆，默默喺後面打點一切，果然係廿四孝好老公！