江若琳傳再度整容！轉戰大陸後變化更大！美到差點認不出來啦！
轉戰大陸嘅江若琳，除咗拍劇外，上月仲做回歌手老本行，事隔四年推出國語專輯，仲喺北京搞咗個發布會，當時謝霆鋒、譚詠麟都有錄片祝賀佢㗎！(新聞連結：http://bit.ly/2gADoUp
)
喺大陸發展如意嘅江若琳，今日又有週刊翻佢舊賬，重提佢「雙眼進化論」，話佢由出道至今，不斷進化，轉戰大陸嘅江若琳，變化更大喎！
是咁的，05年江若琳陪朋友參加寰宇電視劇《夥頭智多星》選角招募，雖然落選，但就俾當時仲係老闆娘嘅趙雪英賞識，簽咗佢做旗下藝人，06年就拍電影《17歲的夏天》，當時江若琳對眼就明顯冇o依家咁明亮，週刊形容「蝌蚪眼」，之後江若琳雙眼就越嚟越大，越嚟越明亮。
報道又話，江若琳自14年發律師信要求同寰宇解約，老闆林小明就已經鬧佢反骨，搞到要對簿公堂，官司花費龐大，江若琳就返大陸狂接job撲水，用回清純可愛形示人，賺到盆滿砵滿。報道仲引述知情人士話，江若琳未簽俾林小明時，已做模特兒同拍戲，有曬劇照，好明顯佢o依家個樣同以前好唔同，估唔到佢返咗大陸發展變化更大。
知情人士仲話江若琳o依家喺大陸好紅，劇接劇又出國語唱片，之前佢出席新碟發布會時，就覺得佢眼頭位置好唔自然，大到唔成比例，眼白位越來越多，下巴又越嚟越尖，睇落就知唔同曬樣喎!會唔會係女人18變咋!?