由蘇玉華、黃浩然、陳凱琳、龔嘉欣等主演嘅劇集《平安谷之詭谷傳說》喺2017年3月已拍攝完成，直到近日終於有宣傳片出街，劇集將會緊接《夸世代》檔期播出。聽個劇名以為系鬼片，其實套劇系講民初時期，嚴重男尊女卑，女人一直被男人欺壓，一班女性點樣系困難重重嘅情況下改變思想落後封閉嘅村莊。
劇集以平安谷陸家為主軸，呂珊系劉江大太太，蘇玉華系二太太，朱晨麗系三太太，龔嘉欣系四太太。平安谷表面上好和諧， 但女人身份卻非常卑微。女人做錯事俾老公拳打腳踢、要被吊高懲罰、被眾人扔石頭，甚至老公死左老婆要陪葬等。之後更發生一系列幽靈新娘殺人事件、綁架及兇殺案等。後來由蘇玉華帶領一班受害嘅女人團結起嚟，對付欺壓佢哋嘅大男人。
一班網民都留名話要睇蘇玉華喺無線最後一套劇，亦贊呢套劇以女人起義題材有新意，而且選角唔錯。有興趣嘅話，到時記得留意啦！