《溏心風暴3》劇集發展到以愛（陳敏之）勾引唐文龍之後，走去跳海自殺，好彩最後被救回！以愛醒了之後，看見家人親手摺給她的心心及寫的心意卡，即刻超感動爆哭，最初大家都以為以愛可以重新出發，誰知還有下文......
當她知道阿Nic（唐文龍）老婆的專欄寫了她與阿Nic分開了後，以愛即刻以為自己有希望，於是又去找阿Nic。火姐與正爸知道之後，開車去找以愛，結果在護老院門口見到以愛，當時阿Nic決心斬纜，但以愛不肯，阿Nic老婆見到之後，好生氣地罵以愛，說她老公親口跟她講，只是喜歡以愛的肉體，不過以愛都沒理，依然要死纏！
以愛知道阿Nic與老婆分手。
火姐好心痛見到女而這樣作賤自己，二話不說就鏟爆以愛，兜巴摑之餘，還要狂罵女兒，叫她去做雞，為何要做到那麼賤，句句說話都好狠！
火姐對白超到位：「你係咪無男人唔過得世？你去做雞啦！我要打死你，人哋做雞為搵錢生活，你為咩呀？點解你咁賤呀？個男人唔要你喇！你仲要死纏、仲要喊？你真係唔知醜，不知羞恥，明知錯仲執迷不悔！你唔係我個女。我哋視你如珠如寶，視你係父母的公主，堂堂黃家大小姐，你變cheap精、狐狸精，破壞人家庭，係造孽。你頭先激到人哋老婆衝出馬路，最抵死嗰個係你，你去死啦！我好失敗唔識教女，丟曬祖宗十八代的臉，我好醜，我要搵窿捐呀……」一連串的話真的很有力道！
講到與司棋姐這場戲，敏之就說：「其實我是求媽媽（司棋姐）直接打，叫她不用留力，最初她不肯，不過埋位的時候就直接打，整場戲一take過搞掂，當天天氣都麻麻，拍完之後還打雷，好像連個天都好幫手！」