真人真事....個死黨係我中學識到而家..佢話佢個差唔多九十歲既奶奶係外國返黎...下星期有個大型家族聚會...要叫哂所有親朋好友去...而問題係佢之前因為驚屋企人煩住佢..所以講大話話拍緊拖...佢屋企人叫左佢幾次帶女朋友上去食飯...佢都搵唔同藉口拒絕...但今次佢阿爸阿媽就叫佢無論如何都要帶女朋友去...因為奶奶都想見下佢女朋友....
結果....因為佢係死毒男黎...面油又多...暗瘡又多...女性朋友都唔多個...點會有女朋友...今次佢就跪我咁跪...叫我介紹d女仔朋友俾佢...但講真我樣係好少少...但性格都係毒男黎...邊有咩女仔朋友...於是就叫佢坦白講..但佢話如果講左佢阿爸阿媽實打死佢...佢就叫我借個女朋友俾佢....扮住佢女朋友先....
講真...呢條友係咩人...我都知既..我知佢真係冇辦法之下先咁講...
係....佢之前讀大學時冇錢食飯..我都會借錢俾佢食飯....但唔係所有野都話借就借...
果個我女朋友黎架喎....我追左勁耐先追到佢....佢仲要幾靚女...點借得落呀...
但我仲十五十六...好驚拒絕佢而冇左呢個朋友
**********
——直接叫佢搵ptgf好過，女友打死都唔好借，隨時出事
——通常呢個情況出硬事有借無還
——我覺得咁樣係完全無聊兼無謂。
有就有，冇就冇，扮乜鬼。扮得一次，之後呢？
毒L冇女友係正常，佢咁搞法不如真係改變自己，識返個真女友先係正路。
——點解樓主同你朋友咁得意, 你2個講借唔借既時候有冇問過你女友?
唔係你肯借你女友就肯架喎, 而且要搵人扮女友第一時間都諗ptgf 啦,
扮得女友既話到時起碼都要拖手啦, 點會叫朋友借個女友比佢呀,
佢擺明睇中左你女友, 想乘機抽水/撬牆腳啦, 你仲戇居居當人朋友