見到有絲打話咩做雞就認，唔認不如去做洗碗，我好想講，其實你地想人認做雞，不過都係睇人折墮最開心嘅心態。
我返過幾份part time，做過M記、馬會，連7仔都返過，但每一次返呢啲工既時候，我每分每秒都感覺自己同浪費時間無分別。拎住40蚊一粒鐘喺度消耗青春。人地父母有錢嘅，可以成日去旅行，讀書唔成可以送佢去外國。但我父母乜都無，我唔係怨佢地，我只係知道人係永遠無可能公平。但要我日日返M記賺果一百幾十，我真係接受唔到囉！
自己要讀書，錢永遠唔夠用，去返十個鐘頭part time 賺得果幾百，已經人都散哂莫講話溫書。
喺做ptgf之前我唔敢諗將來，因為我知道自己無辦法靠出賣呢啲便宜勞力搵最低工資去生存。唔好同我講職業無分貴賤，呢句同人美醜唔重要，最重要係內在美無分別。只係自欺欺人，比起返低賤工種拎最低工資，得閒仲要比啲咸濕阿叔阿伯言語性騷擾甚至摸pat pat，靠討好男人生存落去實在容易太多。
做ptgf即使無性交易，可以摸、攬、摷下已經可以賺到筆非常可觀既收入，最起碼我係做ptgf既時候，我完全無返低賤工種果種浪費時間感覺。我用身體討好男人，我可以搵到好多錢。我可以搵到好多錢去填補人與人之間果份不公平，我可以搵到好多錢同時間去做自己想做既嘢。
除左錢之外，噝做其他人ptgf期間，我可以切實感覺到被人所需要，而唔係上述低賤工種隨時可以被取代，那種可有可無感覺。即使工作外，我都會花時間同佢地傾計，佢地有專業人士，有大我少少年紀學生，甚至有婦之夫。我唔知其他ptgf工作模式係點，但我自己只會固定做兩三個熟客，到佢地唔再搵我先再接新客慢慢scan。
因為呢個年代入網際網路，基本上我ig、論壇出個post 已經幾百人比我揀，我唔需要好似以前既人咁無得揀，太樣衰、太老、太九唔搭八，我通通可以選擇唔接。
出過幾次ptgf基本上已經foul走九成騎呢怪，剩低既都係我自己覺得高質、可接受同安全。起碼我比人鎖住手銬做果陣唔會驚佢影我擺上網甚至做其他嘢！
即使過程辛苦少少，但都好快就完；即使有時會比人侮辱 ，有時甚至邊喊邊做，覺得自己好cheap。因為唔係個個都會似某啲客咁理人感受，但比起十個鐘M記果種唔知自己做緊乜既絕望，實在好太多太多 ... 至於你話我做雞即係呃我男朋友，我認我係呃，但起碼我有講大話到最後既覺悟。係我眼中 一個大話講到最後就係真實，而呢份講大話到最後既覺悟有好多大代價 - 包括我唔可以似其他ig女神咁經營個幾千followers 既ig，日日自拍拎存在感，識朋友都要好小心謹慎，因為識多個朋友，就多一個機會比人認出嚟、甚至起底。
因為咁我生活好摺，所以你地睇我地唔起唔緊要，但唔好搞笑到叫人公開自己做雞。話自己睇得起公開自己做雞既人，現實係點所有人都好清楚，更加唔好講叫人返低賤工做生做死得一萬幾千。
我夜晚出嚟幾個鐘，有時已經可以賺到其他人半個月甚至大半個月人工。日頭其他時間我可以做自己鍾意做既嘢，我可以儲錢，我可以規劃將來，呢啲係我返上面啲低賤工永遠都唔敢想像。
出呢個post既原因唔係話想美化或者叫其他女仔去做ptgf，只係想你唔好講到返M記做洗碗好高尚咁。做呢啲工種一啲都唔高尚，即使而家比我揀多一百次，我都唔會有一次選擇返去果啲工作之中，只會後悔點解一開始要浪費時間係果啲地方。
M記七仔唔係屬於我既地方 - 永遠都唔會係！