Fans睇到宜家，
肯定都已經接受咗，
鍾嘉欣短期內，
都唔會喺電視上出現嘅事實。
甚至乎，有人會相信，
鍾嘉欣會為家庭
而退出娛樂圈嘅傳聞。
不過，對於呢個傳聞，
大家可以放心。
鍾嘉欣早前已經澄清過
佢話係唔會退出噶，
只系呢個階段要以家庭為重。
自己依然好中意工作，
而且家人都系非常地支持。
對於fans嘅記掛，
鍾嘉欣嘅做法就係，
耐唔耐翻香港出席活動，
又或者係發下微博，
話畀fans知自己都好掛住大家。
不過，來到到今年，
鍾嘉欣同TVB嘅合約就會到期。
仲有一個月，
佢仲未簽好新合約。
今日佢又翻到香港出活動，
即刻畀港媒追問！
被問及下月約滿無線，
未來去向係點，
鍾嘉欣話一直有同公司傾續約：
「我始終唔喺香港住，最重要系穩定性同自由度，我依家都好頭痛，我喺溫哥華住，唔可以話一接到個劇就可以做，出面都有公司搵我傾，但TVB一定系我首選。」
哦~~~~~~
有呢句，就得啦，
以鍾嘉欣嘅個性，講嘢唔會游花園，
應該都OK有信心佢會再拍劇！！
坊間一直有傳聞，
鍾嘉欣老公想佢繼續生，
佢話老公唔介意
佢繼續演藝事業，
只要唔好影響到夫妻感情
同小朋友之間嘅關係就冇問題。
至於繼續生B，
鍾嘉欣表示：
「我希望我哋嘅家庭越來越大，我哋都有諗下個小朋友，但唔一定會有，呢啲系禮物，隨緣！」
又係嘅，呢D嘢，
邊有得講定數噶！
所以，最後結論都係，
復出拍劇，仲未係時候。
不過要重溫，要翻炒，
可樂君分享個節目，
就係馬仔嘅《偶然 馬浚偉》，
鍾嘉欣上個次，
都分享咗好多嘢！！！