雖然大家都深深體會到「女人心，海底針」的道理，但有時候不只是因為自己理解不到對方而令自己好忟，而是對方無理會過自己感受所以先會令你怒火中燒。那究竟是不同的處境當中，有什麼是會特別令男士嬲到發癲的缺點呢？相信當中一定會包含以下10點！
10. 被要求share野食
和另一半去餐廳吃飯，見食完曬主菜個肚仲有位，自己就不如叫多個甜品滿足下自己啦！順便問下女朋友想吃什麼，佢就答話自己好飽食唔落就唔叫。到上甜品嘅時候人地waiter見你兩個人，於是就比多套餐具你。哈！如果你到最後份甜品可以食到一半份量，咁你真系好好彩囉！
9. 每次出街都遲到
雖然都知道女生出街要預些時間裝扮，但如果次次出門都都奉旨遲到半個鐘以上，就真系令人非常憤怒，尤其是約了去看戲或者book左台食飯咁。
8. 用親熱要挾你
如果你發現自己和另一半的生活，是你哄得他開心的時候才有得親熱，不開心的時候就當正你是阿四咁使喚的話，咁可能佢就系想用【性生活】嚟要挾緊你。
7. 從來不放下手上電話
和你出街但就機不離手，真的是不知道身為男朋友自己緊要啲，定佢手機入面啲朋友或者無聊文章緊要啲囉！唔緊要嘅！你玩手機咁我地就乘機睇下街上面嘅靚女囉！
6. 唔比你贊佢
就算你真系覺得佢個新髮型靚左，或者望落瘦左都好，一贊佢佢就會借題發揮，例如話你之前無留意佢，又或者即系佢之前好肥咁。總之點都好，你講乜佢都會嬲左你啦！
5. 覺得你識讀心術
都說了「女人心，海底針」，不是每個人都明白？明顯唔系啦！佢地無時無刻都會想你系讀心師咁睇到曬佢地想要啲乜野，坦白講要做到100%，根本就系無可能啦！
4. 令你覺得內疚
為左令您完成佢想你做到嘅野，佢會講出一啲難聽嘅說話嚟令你覺得唔做就會內疚，甚至系當你拒絕左之後做番啲小動作嚟報復。
3. 「我無野呀」
就算你一睇就睇得出佢系有啲唔妥，例如唔開心咁，但當你想問清楚佢發生乜野事嘅時候，佢都會答你「我無野呀」。雖然睇落佢好似唔在乎咁，但心底里如果你唔追問落去等佢講出嚟嘅話，佢之後就一定會大發脾氣，話你當時無關心佢。
2. 記仇
如果你曾經錯犯一次，但他之後每一次都會提住你曾經出錯，超級記仇的話，真的有時會逼到人發瘋！我做錯過我其實記得架！有改過就得啦！
1. 問埋啲點答都會比佢憎死嘅問題
有的女孩子好喜歡問埋啲人地男朋友點答都會出事的問題，例如「我這樣穿著會不會肥呀」、「我朋友Carol靚唔靚」咁，身為男人的你一定知道，無論自己答是或不是，最終都會出事，吵架收場。