星期六, 阿媽上大陸派薑醋, 我同阿姨就幫手拎野, 順便一齊去舅父間新按摩店試下~~
聽聞佢間野裝修得好靚, 我地都好想去睇下有幾靚
去到我覺得好一般姐~~~極其量只可以話比舊店靚, 不過舊店曾經比我踩到一文不值
我去親都勁彈, 所以我好少去佢到按, 寧願比多D錢去人地到按......
******************************************************************
一入到去有幾個後生仔服務員, 個"經理"帶左我地去一間三人的按腳房, 一黎就問我地要咩價格?
我地望勻成間房都冇價格表, 我鬼知要咩價格咩?
我:有咩價格?
佢:有$48 和 $68(之後就停頓左)
我: 咁有咩分別?
佢: $48 係70分鐘, $68 係90分鐘, 同埋藥水唔同 (之後又停頓左, 我都唔想再問佢隻藥水有咩分別......)
我: 咁要$48 得LA!
跟住就有3個女"技"師入左黎, 最大份果個走左黎我到, 我心諗:哇!!!你會唔會LIN 死我GA?
我同阿姨打量左佢地全身, 經阿姨眼神話我知, 佢同我一致認為佢地係"技"師~~~
全身火紅色低胸短裙褲制服, 仲要著4吋高踩鞋!!!
************************************************
個肥妹幫我按按下叫我背住佢坐, 佢突然較叉我雙手勁扯, 仲o係我後面用佢個胸勁頂我個後腦, 好在係後面, 如果唔係我怕會窒息而死......
好唔容易按完70分鐘......
之後佢地問我地收錢, 我地好O咀, 唔係走前埋數GA 咩???
佢地話係即收的......
之後隔左一陣仲未有人黎, 我地問佢地要按身, 個經理先走過黎, 佢又問我要咩價格???
都話唔知你咩價LOR......
我地已經唔理佢, 問佢有無3人房, 佢話全部都係單人房......
仲唔係有古怪?
我一入房, 原來有獨立浴室!!!!洗唔洗做到咁明顯呀????
好邪WOR~~~
個女技師黎到見到我PA 左o係到, 問我係咪按背先?
我話唔洗按腳因為頭先按左, 肩頸都好攰.
佢就係咁幫我按背了......講真技術真係差, 係咪搣我d肉, 一係就勁拍我個背, 真係比佢拍到肺都甩
按左一陣唔知幾耐, 佢就o係個窿到用手挖我個頭出黎, o向我耳邊講" aan玩啦!"
我感覺好差lor.....我隻耳仔又無室左入個窿到, 洗咩挖我個頭出黎呀!!!
仲有.....我淨係按左個背jar wor.......咁快按完?
咁我咪話要加鐘lor~~
佢叫我坐o係到按, 話我pa o係到按唔到前面, 同好難按膊頸~
咁你唔識叫我轉身嫁咩?
好la, 咁就坐o係到比佢按la.....
按....按.....按......
一陣之後佢又同我講, "dao 屎啦~~"
又係淨係按左個膊頭...........................
=.=" 嘜佢咁ga? 激死人!!!!按2parts 都淨係按左背隻同膊頭......
******************************************************************
番到屋企見到舅母咪投訴佢lor!!!
我: 你間野好邪wor! 究竟係咪邪骨黎ga?
舅母: 邪又得正又得格~~
我: =.=" 邪就邪la~~~~咩邪又得正又得姐~~~
阿姨話個女仔一路摸佢一路講: 巧"軟呀~~~~
差d 想叫佢比番錢轉頭
我地以後都唔會再去~~比錢買難受....
仲有我真係由心底睇唔起我舅父舅母, 就算做正場賺得唔多, 但係都無理由走去做呢d偏門......
自己仲有2個仔, 間野開o係村口, 日日出出入入, 你叫個仔點面對?
自己揸靚車, 著靚衫, 但係個仔部電腦壞左幾年都唔買過部......
個屋企好似鬼屋咁, 睇佢都唔敢邀請朋友黎玩........
2個都咁膚淺, 唔怪得佢地咁登對.......
參考來源