黃心穎去年主動出擊融化「無綫第一筍盤」馬國明，去年馬明以1,960萬買入太古城複式單位與家人同住，主人套房歸馬明，心穎有望進駐新房做女主人！不過據知馬明媽媽對心穎印象麻麻，對其暴露打扮及洗腳唔抹腳的作風頗有微言，未獲母親恩准，故馬明都不敢帶心穎返家過夜。於是進擊的心穎早前擲855萬買入啟德天寰兩房單位，等明年收樓即挾馬明同居！
天然呆的馬國明dry足幾年，遇上封自己做男神的黃心穎，即時孔雀開屏，去年合作拍劇集《為食神探》一撻即著。今年二月，馬明被本刊記者斷正與心穎撐檯腳預祝情人節，二人雖齊聲否認拍拖，但嘴角含春露曬底。月前又齊齊北上拍古裝劇《深宮計》，開工日見夜見，打得更加火熱。
2012年參選港姐奪亞軍後，黃心穎星途一帆風順，性格開朗的她更融化天然呆的馬國明，一凹一凸非常合拍，二人由最初只承認了解中，到現在不避嫌談戀情。
早前二人北上拍《深宮計》奉旨拍拖，鏡 頭前後都黐到實，曾與心穎拍劇的C 君現已改口稱心穎為「馬太」。
出名孝順的馬明去年以1,960萬元買入太古城複式單位，與父母及家姐同住，一直有指主人套房已被馬明佔用，讓佢可隨時帶心穎返歸sweet sweet，可惜心穎曾公開講自己好大使，馬明養唔起佢；另外每次做騷或出席活動都著得好性感，馬明媽媽自然唔多鍾意！
馬明與心穎形象健康正面，公司亦開綠燈畀佢哋以情侶檔搵銀，早前二人出席活動真情流露，心穎向馬明餵食，唔使食都甜到漏。
加上受到心穎感染，馬明亦開始變得大使，以前佢只著贊助衫唔會刻意去買衫，據知馬媽媽覺得個仔拍拖後成個人都變咗，對心穎有啲微言。未來奶奶擔心個女仔係玩玩嚇，叫馬明再拍耐啲先好帶返屋企！
心穎為想盡快私有化馬明，只好暗暗出招力抗馬母，早前佢以855萬買入啟德天寰兩房單位，據知打算出年收樓就用嚟愛巢！馬明向來都好聽阿媽話，但今次心穎似乎貼埋屋一心同佢住，佢好難抗拒，不過又唔想老人家唔開心，只好見步行步！
馬明與父母同住太古城多年，去年他再花1,960萬買入頂層複式的過千呎單位，花過百萬裝修後最近已入伙。
8 月初心穎在社交網留言：「耐性是痛苦的，但 它所帶來的一定是甜美的。」看來是暗喻戀情有 阻滯要忍耐一下。
心穎年中以855萬買入啟德新盤天寰，兩房單位最適合二人世界，現與家人同住的心穎，終於可達成心 願與馬明築愛巢。
日前心穎接受本刊訪問，問到買樓一事，心穎話一定要搵地方搬出去住住先，想體驗嚇自己住嘅生活，希望有自己私人空間！另外被問到有冇見過馬明媽媽，心穎續說：「我只係喺報紙見過佢。(點解唔叫馬明帶你去見嚇伯母？) 唔使住喇！(有冇問馬明屋企人對你印象點？)我諗唔好問喇！咁尷尬嘅問題，一陣話印象唔好點算呀！」
上月心穎拍完《深宮計》即飛英國半個月拍旅遊節目， 密密飛的她自封為「黃又飛」，吸金力咁強，難怪出道五年已儲夠錢買樓做業主。
馬明曾經講過一切以父母為大前提，搵女友都要與家人相處融洽：「我係一個好顧家嘅人，所以做我女朋友，首要條件唔係靚，係要同我家人相處得來。我爸爸同媽媽出名好相與，如果結婚唔可以同父母一齊生活，咁就係女仔有問題，有問題就唔會結婚啦！我本身又唔煙唔酒，所以我接受不到女友食煙及劈酒，因為我唔鍾意煙味酒味。」根據馬明所講的擇偶條件，心穎應該中了唔煙唔酒，以及喜歡主動多說話，至於融入馬家，心穎似乎未達標，若然馬明真的堅持婚後與家人同住，野性家嫂一定大戰奶奶。
心穎平日因工作需要曬胸都算，日前她上載比堅尼照去IG，留言話每年穿比堅尼的次數少於一次，想激未來奶奶乎？
早前馬明趁冇工開陪母親去太古城商場為新居添家具，頭戴cap帽的他左手攬住盒雨傘架，右手又拎住一大袋汽水，與母親邊行邊傾行返新居。如果心穎想做馬太，就要先過未來奶奶呢關了！
馬明早前劇接劇，又去北歐拍《Do姐去Shopping》，難得忙完有時間陪阿媽為新居添家品，馬母即mark實乖仔，兩母子邊行邊傾好溫馨。
當日馬明陪住母親返家後未有外出，其後馬明家姐 再陪馬母外出買餸，睇得出馬明一家生活樸實。