港姐出身嘅趙希洛(Candice)雖然2007年參選時成功入圍最後五強，但最終還是不幸落選。她最近在TVB熱播劇集《同盟》中飾演年青版嘅鮑起靜就獲得不少人嘅讚賞，除了被劇集監製文偉鴻大獲勤力之外，就連網友都話夠自然。趙希洛接受訪問時表示，「希望觀眾睇我同鮑姐飾演嘅令熊唔會有太大差別。」
今次係鮑姐首次加盟TVB，監製文偉鴻(Jazz)就找來趙希洛飾演角色嘅年輕版，鮑姐仲同監製講感受到暗角一雙目光盯住她覺得毛骨悚然，仲以為係咪有「污糟嘢」！但原來只係趙希洛在旁邊睇鮑姐嘅演繹，「一收到劇本就諗令熊同薇姨嘅性格，因為一開頭我淨係要演令熊嘅，但後來就要我演埋薇姨，之後就要對比佢地嘅角色。除此之外，我一唔洗拍攝就會去睇鮑姐嘅演繹方法，儘量留意下，會特別留意鮑姐在劇中會有咩小動作。」趙希洛其後指最鍾意鮑姐係電影《殭屍》嘅演出，「除了感受到佢對老公嘅愛，亦感受到佢嗰種寒，雖然我只係睇過一次，但已經好深刻。另外都有睇過佢同陳展鵬當年係亞視嘅劇集做母子，都好有印象。」而趙希洛就指今次可以飾演鮑姐年輕版都好surprise，「因為鮑姐係我欣賞嘅演員，好感激Jazz咁多演員中搵左我做呢嗰角色，因為我覺得要去睇鮑姐嘅演繹，都係做緊演員嘅本分。希望年輕版嘅令熊同之後都有連貫性，希望我地兩個人唔會有太大差別。」
趙希洛話今次可以飾演到令熊年輕版，好榮幸！
劇集監製文偉鴻亦在Facebook表示，趙希洛每晚收工後都去睇鮑姐演出，好勤力！
除此之外，有不少網友都留言話今次趙希洛演技好自然，與以往嘅作品有好大進步，仲話佢可以做埋姚子羚嘅角色kate，趙希洛聞言後就話，「多謝網友嘅支持，感覺好多support同鼓勵俾我，希望每次演出做到更好，好多謝佢地會留意自己。我覺得今次姚子羚飾演kate做得非常好，希望可以有其他角色發揮，同埋公司俾多d機會我喇！」
...................................................................................................................................................................................................................................................................