TVB藝人梁烈唯昨日深夜拍攝《飛虎極戰》的一場撞車戲，試位時汽車疑收掣不及撞到梁烈唯，梁烈唯被車撞倒後，劇組大為緊張並實時報警求助，之後唯唯被救護車送到律敦治醫院治療。
梁烈唯送上求救護車時，仍然非常清醒，梁烈唯說撞車倒地之後，他當時非常擔心，在場工作人員都叫他不要動直到救護人員到場。
而意外發生前，唯唯還心情靚靚在微博上載拍攝現場自拍照。
同場的藝人陳凱琳、吳卓羲等人目擊整個過程都感到非常驚訝及非常擔心，吳卓羲立即上前安慰並指揮現場交通。
陳凱琳及後接受電話問仍猶有餘悸，她說：「當時喺現場，睇住意外發生，真系好驚、好驚，即刻好多人去幫手處理呢件事，好快call救護車送咗佢去醫院。意外就系意外，無論拍戲或者做咩都要小心，希望佢快啲康復。」
這次意外令很多人非常擔心唯唯的情況，而唯唯為免大家擔心，他於社交網站上甫自拍報平安並透露已回家休息：「今天拍攝時，出了點小意外！知道大家都很擔心我，感謝大家！我已經從醫院回家休息，謝謝！」相信都能令一班親朋戚友和粉絲放下心頭大石！
唯唯現在已轉院，無線高層樂易玲接受訪問時表示：「叫佢照多張x-ray，等佢睇私家醫生，佢依家好精靈，佢有同我講話。」
這已經是梁烈唯最近一個月出的第二次車禍了，七月底，唯唯拍完《飛虎極戰》收工時在電視城環保大道發生交通意外，頸同腰都有拉傷，之後就入咗醫院檢查，不過幸好傷勢無礙，即日就出院回家休息喇。
前幾日，同樣是拍攝《飛虎極戰》，唯唯現場被外籍拳手抬起上膊，上演「人肉風火輪」，十分驚險！
對戲期間更不慎被拳頭打中頭，左眼實時紅腫，好在唯唯經過冰敷處理後沒有大礙繼續拍攝，奶粉錢認真唔易賺！
唯唯接受訪問時說：「動作戲系好難避免，都預咗，我都冇乜大礙，反而負責打人嘅壓力真系好大，自己同人打交都已經系中學時代嘅事，剛剛中拳嗰嚇回憶返曬嚟！（有咗小朋友學識錫身？）都系，公司有安排替身畀我，以前都會同武指講想試，但依家唔會，畢竟受咗傷又要大家等我。（賺奶粉錢辛苦？）太太辛苦啲，佢全職湊女，個囡都好跟媽咪，畀我抱反而喊，都想盡力回報太太，有諗過買嘢畀佢，但佢就話留畀個囡做教育基金。」
其實梁烈唯出道以來一直夠努力，在競爭激烈的TVB從綠葉角色做起，慢慢熬出頭，現在每年參與四五部劇集，角色戲份亦越來越重。
而且梁烈唯非常愛家愛老婆，當年在茶餐廳兼職侍應生，一身兼兩職，無非為婚後有瓦遮頭，儲血汗首期。
他也表示不論什麼工作，都是用自己雙手為未來打拚！擔當和努力讓人佩服。
今年年初梁烈唯榮升人父，為了女兒做好榜樣，戒菸戒酒。
他深明身教很重要：「好多人之前都睇死我戒唔到，話做呢行冇理由唔飲酒，但系我就覺得，愈來人話我唔得，我愈要做到，可能將來會女大個都會有啲朋輩叫佢做啲唔應該嘅嘢，如果叫佢唔好做，個女同我講『你都戒唔到酒、你都戒唔到煙啦！』，咁你就做唔到一個好榜樣囉！所以自己咁有決心，系想話畀個女知，條命系自己，要行自己行嘅路，唔好受人影響。」
唯唯坦言現時女兒愈大，對他反應愈多，就愈掛住她，簡直滿腦子都是她。
唯唯不諱言：「個女出世後，我同老婆關係都好咗，都會錫老婆多啲。老婆要做嘢，但系對個女都照顧得好好，基本上我哋兩公婆可以搞掂曬個女嘅起居飲食，所以同個女關係好密切。我老婆呢生人冇乜享受過，可以話系擔驚受怕，所以想畀多啲幸福生活佢。」
希望梁烈唯為家庭幸福打拚同時更要照顧好自己啊！一家人要幸福！