提起蔣嘉瑩，大家可能唔識，但佢十多年前亞視主唱的《我和殭屍有個約會2》的主題曲《假如真的再有約會》，大家一定耳熟能詳。
最近佢在大台節目《流行經典50年》入面，再次演繹番呢首金曲，依然令人回味。
現年36歲的蔣嘉瑩，原來已經嫁作人婦，兼且有個兩歲囝囝Marvis，淡出娛圈的蔣嘉瑩，之前接受親子周刊專訪時，仲話自己o依家喺一間德國公司做時裝㖭，今天生活回歸平淡，但原來當日出道時曾被封為「翻版容祖兒」㗎。
蔣嘉瑩於96年參加Big Echo Karaoke歌唱比賽奪冠軍，後主唱亞視劇集《我和殭屍有個約會2》主題曲《假如真的再有約會》而廣為人熟識，當時更曾推出一張唱片，被封為「翻版容祖兒」。
2000年，當時只有19歲的蔣嘉瑩，就被傳媒拍下同英皇娛樂的老闆楊受成去君悅酒店嘆茶，爆出楊生有意簽多個「祖兒」，之後更傳出佢早年在加拿大溫哥華時，曾與謝霆鋒拍拖，報道更指，霆鋒當年同蔣嘉瑩拍拖時，總不忘照顧妹妹謝婷婷，三人經常在溫哥華Richmond一帶耍樂。
對於有傳佢曾經同霆鋒拍拖一事，當年蔣蔣嘉瑩就透過助手回覆傳媒：「Vivian（蔣嘉瑩）幾歲就移民溫哥華，佢同霆鋒及婷婷系好朋友，以前霆鋒溫哥華個女朋友，Vivian都識得嘅！至於同霆鋒系咪拍過拖，呢個只系傳聞嚟啫！（霆鋒系咪曾向楊生引薦Vivian加盟英皇？）唔系，楊生系Vivian的 Uncle，佢哋本身已經識得㗎啦！」
至於蔣嘉瑩當年憑一曲hit到街知巷聞，但出咗一隻碟就閃走樂壇，原來全因蔣媽媽反對。
蔣嘉瑩話：「當時媽媽幾反對我做呢行，要我返去繼續讀書，所以冇再唱歌。讀完書就幫屋企人做電子生意，o依家喺德國公司做時裝買手，冇再同呢個圈接觸，直至無線邀請我做嘉賓，先再有機會同大家見面。」
蔣嘉瑩稱當年從來都冇發過明星夢，亦全未試過「全職」入娛圈。對於《假如真的再有約會》翻hit，蔣嘉瑩坦言開心：「多謝大家支持，冇諗過反應咁好，都系一首幾值得懷念嘅歌，叫代表作啦！」