剛剛又同太太吵架。啊，唔系。應該系女友，都仲未結婚。BB出生無耐，4個月。
簡介下，我今年22歲，本來讀緊大學。21歲時女友大左肚，當時簡直系晴天霹靂，個腦一片空白，只知道呢一刻我要錢!錢!錢!眼中只有錢。但讀緊書點會有錢。我只好瞞住全世界quit左讀左兩年ge大學學位，不停甘返工。
初出社會，大學又讀得個兩年，犯法野又唔敢做，甘唯有做勞力士啦，即系我細細個行街見到會可憐佢地個D。一日14小時，通宵，但有17-18K，初出茅廬ge我都只可以頂硬上。好記得見工個日，個HR仲話我做咩大學生會黎見呢個位，佢都系第一次見。但見完都即請左我。我系工廠樓下，望住我手上ge報到紙，忍唔住喊左出黎。我覺得好對唔住我父母。喂大佬，話曬都大學生，中學年年都會上下所謂龍虎榜，做咩會黎左做倉、，真系發夢都估唔到。父母辛辛苦苦栽培我，比左甘多時間金錢落去，望子成龍。到頭來我比個甘ge結果佢。
份工作真系唔輕鬆，但望住太太一日比一日大ge肚，我覺得我流ge每一滴汗都系幸福ge。終於明白我爸爸個陣系點樣一日打2份工黎養大我。到左BB系肚大概3，4個月到，我將件事講左比我最好ge朋友知。如我預期，每個朋友都叫我落左佢，話唔洗內疚，因為呢個系不肯做和不能做ge問題。其實都有道理，挾太山以超北海，我做唔到我諗都無人會怪我----我細個確實系甘諗。但當我真系做左爸爸時，我就發覺我太睇小父愛ge威力。我好堅定，我系唔會放棄個BB。
無幾耐，學校見我太耐無返學，就打左比我爸爸，甘我只好向佢講出真相。如我預期，爸爸嬲到想趕我出門口甘濟，媽媽就只系識喊。我明白佢地兩老心情，得我一個獨子，將所有野投資落我到，到頭來一D回報都無。自此後，我都無面目面對佢地同D親戚。每逢有咩家庭聚餐我都一定唔會去，逃避得幾耐就得幾耐。
我知道背後有一大班人對我指指點點，包括我朋友。我明白佢地系出於善心想保護我，但我橫眉冷對千夫指，因為我深信我所堅持ge野系值得。
到BB系肚7個幾月ge某一日，早上7點幾我剛收工，老婆打電話黎話穿羊水，要緊急去醫院。我個下真系暈一暈，個腦完全諗唔到野。真系無估到拍戲見到ge野會發生系我身上。去到醫院，醫生話未出得世住，因為BB太細，以家開刀生BB會好大機會有後遺症。所以要打安胎針等佢發育多幾日。我就系甘系醫院D凳到訓左幾日。打電話返公司請假又請唔到甘多，因為都唔知要請幾多日，所以唯有賠錢走人，對我ge財政狀況更加雪上加霜。
系醫院時太太同我都十分十分擔心BB，加上太太不停鬧我唔聽佢媽咪話，太早買BB野返屋企，搞到以家甘。個下我真系抵受唔住壓力同疲累，系好多人面前喊左出黎。個心覺得好委屈，點解佢睇唔到我為頭家付出左幾多，仲要系甘多人面前鬧我。但我明白佢擔心bb，情緒波動，所有就good一聲吞左當無事。
幾日後BB終於出世啦！！個下我即刻whatsapp我朋友，我話我等到啦，呢個珍貴時刻說明左我所做ge一切都系有意義。呢種無與倫比ge感覺系只有為人父母先會明。
但接落黎又要面對現實，因為緊急開刀，bb出生時已經無左呼吸，成個人紫曬，即刻送左去NICU搶救，又唔比我入去。我系窗望入去，護士指比我睇系邊一個箱。我永遠忘記唔到我見到ge景象，BB只有支野飲甘大，全身插住喉，D喉多到我見唔到佢個樣。我接受唔到，我崩潰左，趴系玻璃到放聲大喊，生平第一次喊到呼吸唔到。隔離有位帶小朋友睇醫生ge爸爸比左張紙巾我，同我講加油，會無事ge，撐住。個小朋友問爸爸做咩哥哥繫到喊，個爸爸指指入面話：弟弟唔舒服啊，你都幫弟弟加油啦。我真系好多謝個兩父子，一句簡單加油真系幫左我好多。
返到病房太太問我BB點樣，我當然抹乾眼淚，拍拍心口話無事，仲扮曬野話似我多D。但有時見到太太好開心期待ge笑容，就真系忍唔住，扮話出去食支煙，去出面喊。
但紙包唔住火，第二日太太就知道左真相。我都幫唔到D咩，個一排就日日同太太以淚洗臉。除此之外我地兩個咩都做唔到。
但好好彩，BB ge情況一日好過一日。剛剛好滿月個日可以返屋企，所有好易記。
但由BB返屋企到以家，我地都家無寧日。湊BB真系好累好累，累過想像好多，七星仔難湊真系唔系講笑。大家身心俱疲，吵架多左好多，簡單到今晚食咩都可以拍台鬧我。錢銀更加系一個大問題，我一個人返工，要養我自己，太太，BB，佢媽咪，佢2個細妹，total6個人，我真系真系頂唔順，我已經連自己生活都成問題，更加唔洗講我爸爸媽媽點算。
早前草落ge小小錢，佢問都唔問就比左佢媽咪還錢，仲講大話話借比朋友，朋友會還。點知系比媽咪還債，甘我唔通去追佢還咩！
最後我叫佢坦白同我講，爭人幾多錢。佢話15萬，甘我就同爸爸借左15萬比佢還左先，廢事比出面D人賺利息，然後我再分期還返比我爸爸。
搞掂一單，又黎一單。原來佢細妹又有一大筆卡數，已經斷左3期，甘佢又羅左我父母親戚買比佢同BB ge金器去當，還個3期。我知道後發左好大脾氣，話甘計落去我地根本無能力去贖返返黎，就甘白白無左，不如直接羅去賣仲好。而且搞掂今個月，下個月點算！？佢次次都話最後一次，但我比極都比唔完！
請問我點留系呢頭家.....為左佢，我完全無向我父母盡過兒子ge責任。我好想好想分手，我忍受唔到呢個脾氣甘臭ge女人，每日都鬧我，完全無比尊嚴我。而且佢屋企人講難聽D真系一個好大ge負累，我唔想養埋D甘ge人。如果唔系因為BB，我已經離開左好耐。
但分左手我又可以點，無學歷無經驗，完全穩唔到一D好D ge工作。如果要我做苦力做一世，我點做都唔會買到樓，都唔會有女人會同我呢種男人一齊。我ge人生就game over。
所以我諗黎諗去不如做個衰人，dum底父母，dum底BB，自我了斷，好過再麻煩我父母。剛剛我吵完架，真系差D羅巴刀割落手腕到。但又怕痛怕死唔去。甘不如去長洲租間房BBQ......總之腦海充滿各種死法。
我真系受夠啦，我覺得自己好廢，高估自己可以擔得起一頭家，可以照顧父母，但我真系做唔到。我覺得我已經盡左最大努力去照顧佢地，我走左後，你想鬧我不負責任，自私，軟弱，乜都好啦，我問心無愧。
我已經失眠左2個月，我好辛苦啊，我唔想玩啦好想系呢到結束。因為呢個game系永遠唔會有結局，亦無出路。
我只希望BB遇到一個可以好好照顧佢ge人，同埋原諒爸爸甘自私。
故事太長，唔知有無人會睇到呢到，如果有我好多謝你。希望你地好好孝順父母，因為佢地為你ge付出系無限大。有心唔怕遲，因為我曾經都系一個忤逆仔，直至我做左爸爸先明白孝順為何物。
多謝每個知道我個名ge人。