TVB自50年來，拍得最多，講得最多，不外乎都是爭產、宮廷內鬥，或者情情愛愛、你儂我儂......這些題材已經拍到爛。近期就比較好少少，《心理追兇Mind Hunter》是久違的懸疑劇之一，摸不著頭腦是TVB懸疑劇倉底都有一堆，點解唔播返《千謊百計》？
不過點都好，TVB開始努力嘗試拍特別題材劇集，接著7月初將會開拍新劇《特技人》，監製王偉仁上一套作品就是《心理追兇Mind Hunter》。顧名思義，就當然系講特技人，據知男女主角都揀好，就系新加入TVB的譚俊彥與王君韾，說不定王君韾將以時代版花曼現身，場面令人期待。
36歲譚俊彥去年加入TVB，話咁快可以擔正做男一。（資料圖片）
《香港01》訪問到監製王偉仁，他就講到確實會開拍《特技人》，不過女主角就不會是王君馨喇：「Grace之前都有同我講佢7月嗰時會結婚，加上開呢套劇時都未有諗過搵佢，今次唔夾就搵下次喇，唔會沒機會。」
監製講到女主角將會是朱晨麗，強調對方不是「執二攤」，揀Morning朱全因為對方夠tough：「佢份人好男仔頭㗎，好豪邁。而且佢又識跳中國舞，做動作方面成件事會好睇好多，踢腳都會好好睇。」監製講到朱晨麗會做很多危險動作：「佢會成日飛威吔，要好硬凈㗎，佢最盡都會跳凌空一字馬，但都要再同武指傾。」
朱晨麗之前積極做gym，為拍劇備戰！（朱晨麗instagram）
監製講起男主角譚俊彥，他說：「佢就比較會系有故事啲，比較似系《阿郎的故事》嗰種，慘少少。」除此之外，劇集還會有關楚耀、傅嘉莉、羅浩銘等人參與，監製話：「飾演特技人嘅演員，要飛車、飛機車、跳落樓，系必需嘅，沒得走嘅。」聽落個心都替佢哋離一離......好在監製講多句：「最盡都會有替身嘅...」特技人嘅替身？咁會叫咩呢？