安德魯咀仔咀上癮 同男主持咀足兩次
前「蜘蛛俠」安德魯加菲（Garfield）同「死侍」賴恩雷諾士（Ryan Reynolds）日前喺金球獎頒獎禮上咀嘴成為焦點，照片在網上瘋傳。安德魯日前就上名嘴Stephen Colbert嘅清談節目，為「HeHe咀嘴」一事解畫。
安德魯上節目同男主持連續咀兩次。
安德魯講番同賴恩喺金球咀嘴：「因為我想賴恩知道，無論佢贏定輸好，我都一樣咁愛佢。」Stephen聽完就問安德魯介唔介意同其他男人咀嘴，安德魯就話：「我直程唔知你條問題咩意思。」Stephen：「唔係個個都唔介意同男人咀，我都好OK。」之後兩個就當眾上演深情一吻，全場立即起鬨，見到氣氛咁好，兩個仲索性咀多一次添。
為之前同賴恩喺金球咀嘴一事解畫。
兩個深情對望。
好浪漫。