你有要求唔係問題，個個都有要求既，但港女永遠將自己奉到天咁高。
中學時期，外貌一般既女仔已經不乏男性追求，「男追女」不知不覺成為一個既有定律。女仔只需要被動地去「揀」。「女追男」反而會比人話cheap，而正正因為男追女，對女仔要遷就，卻走火入魔地連「惡習」都百般包容照單全收。好多港女已經係呢個時候被寵壞。港女根本唔會覺得有需要去改變自己既惡行，反正不乏男性選擇。一句「你唔了解我」，已判你死刑。
出到黎社會既港女更變得非常現實，價值觀全部傾向以錢為前題。用「上進心」，「安全感」去包裝自己貪錢既事實，當然港女係仍然唔會覺得自己「貪錢」，佢地只係單純地相信「男人要照顧女人」果種所謂「感覺」。
「依附男人」成為既有
概念。既然要依附男人，即女人為弱者，男人為強者，卻又要在職場上存在男女平等甚至超越男人。即充當弱者同時又要能夠踏足強者領域。男人月入低就會比人話「你搵咁小點照顧女人?」;女人月入低就話「唔緊要搵個有承擔既男人」;女人月入高時又話「你睇下連女人都搵得多過你，知唔知醜?」
論到消費時，情況更為不堪入目，AA制象徵著「女性體諒男性」既賢良淑德行為，男請女則被視為應份，女請男更是違反天理，最常聽到既係「你竟然要女請返個男?」，彷彿犯下彌天大罪。自己賺錢買花戴，呢個情況出現係港女時竟然變成一項優點，「你睇下我冇用男人錢嫁」，其實自己賺錢消費本身唔係一件理所當然既事咩?
不可否認，男性係用下體思考既動物，但同時，女性優勢亦受制於外貌年齡限制。當女性踏入外表下滑期，就肯定唔會好似以前咁咁容易吸引到男性。但港女對男性要求竟然不跌反升，仲可以大條道理話「明明以前都唔係咁」。對於港女來說，當出現另一個比佢後生既港女時，發現自己唔夠人爭，先會意識到自己老，但骨子裡仍然心有不甘只係The best is yet to come.
終於肯去降低要求，但卻反向變成多一項優點，「你睇下我已經冇要求男人有車有樓啦」。其實你降低要求係必須。但港女卻不忘企圖將現任重新upgrade至港女心目中理所當然既標準，常見既手法係用身邊「姊妹男友」作比較對象，話人地對佢幾好，點點點，你要學下人，自己卻忘記照鏡。
而港女為左去保障自己「有人要」，就向男性迫婚，用各種方法明示暗示「愛我就要娶我」，無視男性實際苦處。歸根究底，你只係自私地想係自己價值變0時盡快沽出。卻利用「愛，承擔」作為糖衣包裝。
去到中年，忽然感概做女人其實好唔著數，卻將後生時已經享盡既財力兵力風風雨雨等女性獨有優勢忘記得一乾二淨。然後要求男女平等，其實，所謂男女平等早已向女性傾斜。
現今「港女」離地思維真係好恐怖下。