平時搭西鐵地鐵，總有幾個靚仔喺度跑跑跳跳
唔影響到人都算啦
唔明點解啲家長明知影響到人都會唔出聲唔阻止
啱啱搭西鐵對面係一個女人同佢個孫（目測）
佢放個孫企上櫈，一人企兩個位
旁邊位小姐都越坐越縮埋一舊
呢個鐘數西鐵唔多人
所以啲人上車都係望一望就行去第二邊搵位坐
個女人一路都無鬧個小朋友企上櫈
但我諗佢做咗咁多年人都應該知道呢個行為係無公德心啩
然後到總站佢準備下車
忍唔住遞咗張濕紙巾俾佢同佢講太太你抹返乾淨張櫈先走啦
佢望一望我呆咗一呆接過張濕紙巾然後粒聲唔出抹咗張櫈先走
我有啲估唔到佢真係會抹
我以為佢會開拖屌我老母
所以話，有乜不滿要出聲，唔好淨係做鍵盤戰士
佢可能平時做慣做熟又無人開口話佢
所以先一直咁錯落去
道理喺你度嘅話，見到咪提兩句囉
就算俾人屌老母，你又唔會少咗忽肉
但係唔識教唔識湊真係唔好生啦
你湊又辛苦，我睇住你湊又辛苦