件事發生係我中一嗰陣 同啲同班同學去咗東龍島燒野食同過夜
一班人有男有女 大概7-9個人 中途都有人早走咗
好似記得個島過咗5點就無船出返去市區 所以無早走嘅就一定要係島上過夜
咁大家都預咗黎過夜 所以無點為意
所以照係山頂上燒野食 有啲就係山腳釣魚
嗰陣都有其他人一家大細黎露營 咁本身都相安無事
但到咗夜晚近12點左右 咁我地就無準備帳蓬 成班人戇鳩鳩咁坐涼亭過夜
之後唔知邊個提議話想落山釣魚 咁其他男仔都贊成
咁剩係留低咗啲女仔同一個男仔睇住個爐火 其餘嘅就一齊落山
咁如果有去過東龍島都知個度係無街燈 其實都算幾荒無
咁我地一行人就摸黑落山 用手機黎照明
中途經過一間士多 咁佢地就有養狗嘅 當我地走過嘅時候就不停吠我地
但我地就無理到 終於到咗山腳
因為凌晨時分 得一個阿叔係度釣魚 其他嘅人就係我地
咁我地有啲玩下捉e因 有啲釣下魚 好快就已經3點幾
咁個時已經剩係得返我地 我地就帶埋啲魚獲係山腳入口等
等嗰時我已經feel到陰風陣陣 但見其他人無反應所以無出聲
之後經過頭先間士多 我地仍然係一班人嘈生曬咁行過
但隻狗竟然無吠我地 但都係無為意 只係覺得奇怪
咁因為上山嘅關係 所以我地並唔一班人平排咁行
而行最頭嘅A忽然停低 話: 我好似踢到啲冧嘅野
但我地中途條路行緊係樓梯 所以應該無冧嘅野 慢慢地佢都開始有啲不安
一行人開始無乜點講野
之後過左樓梯 再行一段路就係山頂
跟住唔知邊個話跑上去 咁大家都急急腳走 但都有啲慢慢行
咁我就排第3 A