去年日本歌曲《PPAP》熱爆網絡，不知道大家有沒有看過廣東話版本呢？
廣東話版本是由無線港男藝人黃建東（Derek）主唱，全新歌詞再加上幽默的言語「偽」術和舞蹈動作，令其在網上分享短短時間內已獲得過萬Like與觀看，引來極大迴響，他也成為炙手可熱的網絡紅人！
他之後再拍攝短片《PPAP印度表姨》，但遭網民圍插片段帶有種族歧視內容，最終發聲明道歉。
35歲的黃建東（Derek）於2011年參選香港先生獲得「演藝潛能大獎」，其後加入無線。
他入行後多數飾演小角色，至2014年在劇集《食為奴》飾演「九阿哥」一角為人認識。
入行5年如今因為自拍一段片大受歡迎，黃建東除了感到開心之外，全因想令自己重新點燃起來：「其實入了TVB 5年，好像沒有了以前那種光芒與自信，因為最初的時候自己有玩創作，而為了不想再質疑自己，就嘗試去做，做一些貼地的事。」
Derek又指不想觀眾只在公仔箱見到他，想衝出去做一些自己喜歡做的事，皆因他自己想走搞笑路線，只不過受困才沒法展現其才華。
扮嘢技巧高超的他早前與林作合作拍攝搞笑短片，片中建東反串女人夾出五吋事業線，於林作的三千呎豪宅中扮高潮，明顯向無線節目《有樓萬事足》「高潮女」Seasun抽水。
建東笑指沒想過短片會引來迴響，他謂：「啲人話我下巴有啲似Seasun，條事業線我都谷得好辛苦，喺床度夾到好實，但冇諗過林作點都得，所有嘢好配合，林作媽媽睇完條片都好鍾意，初頭都驚會嚇親佢，所以嚟緊有機會都會搵林作再合作。（林作屋企有冇見到麥明詩啲相？）我都有偷雞望，但又唔系好覺。」
家住公屋的他人窮志不窮，一直在無線默默耕耘，黃建東轉數快又主意多多，每次都以城中熱話取材拍片，成為新一代扮嘢王。
黃建東「升呢」，於無線即將推出Big Big Channel開台劇《降魔的番外篇》中，擔任男主角。
他直言是次機會難能可貴：「製作好認真，佢哋當正電影咁拍，逐個鏡頭嚟。選角方面我哋要經過casting嘅，凈系試戲我都被試足兩個鍾，接獲通知嗰刻真系好興奮。」
事業方面人氣急升，原來他的感情生活亦相當美滿，近日秘密搭上現為王祖藍旗下藝人，現年33歲的前DJ瑪姬！
兩人在今年愚人節上載求婚相，事後澄清是開玩笑，但之前兩人翹手齊齊出席晚宴，期間更互笠高帽，表現曖昧。
直至日前兩人更被影到雨中甜蜜掃街，臨別更不舍擁吻，拍拖斷正！
日前兩人被影到現身尖東街頭，一起「搵食」，兩人喂來喂去，十分sweet！期間Derek見到瑪姬的嘴邊沾到醬汁，即貼心用紙巾幫她抹嘴，抹完之後再順手抹自己的鼻，實行一張紙巾兩份用，可見兩人關係非淺！
食完之後兩人起程，繼續雨中浪漫，Derek幫瑪姬戴衫帽，驚她戴不穩又出手撳實她的頭，摸完頭之後又索性摸埋膊頭。
期間兩人甜蜜談心，見瑪姬不時被Derek凼得開心大笑，兩人一杯飲品兩份飲，一件蛋糕兩份食，夠曬慳！
食飽後後兩人離開咖啡室，沿途見他man爆護花，瑪姬表現冧爆，原來Derek是送瑪姬取回座駕，臨別時不舍對方的兩人四目交投，之後Derek即忍不住攬住瑪姬，更錫對方塊面，依依不捨目送對方座駕離開後才捨得轉身走人，認真痴纏！
對於影到與瑪姬在街邊拍拖篤魚蛋，他聞言即尷尬笑，問到兩人關係？他謂：好...朋友。（有幾好？）er...總之好朋友。問到兩人可是拍拖？他死口不認：好開心嘍。
問到兩人可會有機會發展？他謂：「唔知架，要睇對方，唔系我話事。（你拍拖會唔會公開？）感情事我好低調，因為系私人事，同埋想保護對方，費事影響佢。」