是咁的，我做佐幾年sales，先知熱血係一種低能、低B、傻的嗎
自問對幾間公司都忠心耿耿、充滿歸屬感，有時候著起件制服都覺得自豪，我努力去跑數，從來唔做偷呃拐騙的銷售行為，但我估唔到公司只不過當我係一個可有可無的棋子，連解僱我都刻意出少糧俾我，狗到啊
我寫呢個故事，唔係要你地同情我，覺得我好慘，我只不過想奉勸各位想入行的巴打，請三思而後行，因為；
你唔向左走向右走矇，你就一定窮到窿！「矇即係誤導性遺留性質的銷售手法，可以解釋為「按住個良心銷售」。
由於文章有好多料爆，第一間公司係好多衰sales,第二間係管理層狗西
學歷唔高，又想搵份好工，做sales就一定係大眾首選，因為真係可以搵幾皮一個月，有人可以2-3萬一個，有人可以6-7萬一個月，見過有人一個月可以10萬收入，如今唔係講緊保險、地產、金融，而係好
日常生活中可以講係必須的東西，例如寬頻上網、手機上網、同手機，電訊界就係吸引大量人才投身做sales的溫床，正所謂「電訊sales就好似7-11，身邊附近總有一個。」不論屋村、私樓、村屋、商場，你行落街就會見到，呢班人不怕日曬雨淋，風吹雨打，每日企係度sell野，成為香港社會的一大特色，因為好見到開個易拉架棟兩支旗開一個壇，就可以開工，而佢地有個好勁的稱號，叫「街霸」
人讀唔到書可以有好多理由，大部份同屋企環境有關，例如老母吸毒老豆爛賭阿妹做私鐘等等呢類人間悲劇都好向左走向右走多，好話唔好聽，你叫愛因斯坦生長喺度都死勁緊喇，當然我就未至於咁慘不過都距離唔遠，我怨天不如怨自己喇，我自認Seven Head又點話，我17歲已經出黎做野，做過廚房，做過waiter，做過跟車，做過倉務，做過洗車，有一人見到老友喺街度，咦，佢身光頸靚，清靚白淨，明明我同佢同齡，結果做到好似少年包青天咁，又黑又瘦又核突，睇落似40幾，泊埋佢度，似係佢老豆
當然，老友見到我都冇嫌棄我，笑笑口埋黎吹水，基本上我已經聽唔到佢講野，因為夏日炎炎，佢手上隻「勞」閃閃發光，仲要係地通邦，我咁大個仔第一次親眼見到，內心無比滾動
幾皮野？我幾個月做到死狗咁都買唔起，叫雞都冇錢，不如食自己
到我冷靜落黎，我問佢近排撈咩，言語上都係不離佢隻「勞」
佢話做sales,問我做唔做
我反問佢係咪走粉，假結婚定賣腎？
佢哈哈大笑，話我傻的嗎
我老友同我講，合法，正經野，有本事就可以輕鬆幾皮野，就算蠢過隻豬，肯努力，皮幾野走唔甩
咁聽完佢講，我自問都ok幽默，口才都唔錯，蒲得多高登，爛船都有三斤釘，9up水平都不得鳥，講勤力，我以前做車房一日洗幾架車添，我聽完我老友講，恨不得明天就返工，因為我唔想做「月月清」，唔想銀行saving經常係徘徊喺三位數字同四位數字之間，我想賺多少，我要俾更多家用俾屋企，我要孝順父母，我要供個妹讀書⋯
於是我馬上辭去車房份工，憧憬緊自己都可以戴「勞」，可以搵到女朋友
原來，我老友做電訊，賣手機同上網plan,佢間公司係one2free,黃色logo個個
咁我就入佐去做，自己都對呢間公司有好印象，全港最穩定的手機網絡供應商，我真係好自豪咖
不過慢慢發覺，其實美夢同現實好唔同，我一心正正經經做好份工，估唔到公司當我隱形，同事爭相暗算我篤我背脊
我好肯定如果做過電訊sales,一定好向左走向右走明白「天時地利人和」呢個道理
天時唔多講，冇人預測到聽日打風定落雨，但「場」，就好決定一個sales當日的營業額，某D好場，例如西洋菜街，有身分證就有單開，白癡都會開到單，top sales咪開幾張或者十幾張，但某D垃圾場，話知你表演心口碎大石，都冇人理，傻的嗎9企一日食白果，車費都蝕向左走向右走埋Hi Auntie，好坦白講，人的能力有分高低，人的心理質素又有分高低，但長期叫你去垃圾場，乜向左走向右走野「the king of sales」都死，你估top sales真係葉問咩，一個打十個咩，所以場的好壞，好影響一個sales,有d人唔係做唔到野，係冇資源，唯有黯然離開。
何為「垃圾場？」，即例如叫你去老人屋村sell電話plan,但呢度好多係獨居老人，消費能力只可以應付到一張儲值卡，即50蚊用半年個D電話卡
我唔知新人入行係咪都要經歷呢種洗禮，就係咁，我從一張白紙，磨練到成為一個sales，每日去埋D垃圾場，盡情去同老人家講解，我個陣發覺自己唔似sales,而係似區議員，日日解答居民有關手機方面的問題
做佐一個月，開得個兩張單，發覺唔多對路，於是索性做網上打手，將電話plan post上網搵生意
即係咁，公司請我返黎，日日叫我去老人村，我為求自己下個月出糧「靚靚仔仔」，點都要搵多條路for銷售
電訊公司好興喺training課堂上「落迷藥」，即同新人講到公司有幾咁好，講到請我地返黎好似等收錢咁，唔向左走向右走知以為佢地請我去度蜜月添，亞太區有一天成為亞太區佢個街D言語偽術多向左走向右走到啊，講到尾咪又知你死你事，冇數就對你鞭屍
我記得我應徵係做sales,唔係網上打手，點解我要做上網？冇數lor,日日去老人村，跑向左走向右走咩，入廁所打幾轉飛機好過企喺度做區議員，係啊，今日又成功爭取幫個阿婆電話卡充值啊！
於是我忍唔住問老友阿文，點樣「返數？」
我：「救命啊大佬，日日罰企，技巧又學唔到，日日白果，底薪又少，點撈？你唔好同我講你隻撈喺老人村度轉賺返黎喔」
阿文：「傻仔，咪咁天真，以為對人好人地會對你好，做sales就係要狠，老人村你都可以開單，睇你做唔做狠呢個字，你唔使替個客著想，唔使替佢肉赤，幾百蚊一個月費送手機，尤其見到D道友古惑仔，記得做俾佢，之後叫佢簽約，部機唔使俾佢，或者換部cheap機俾佢就得，呢D人都預佐唔交錢，你咪幫佢做個雙贏plan。」
我：「咁D老人家咪好慘，冇啦啦交貴佐月費，都唔上網。」
阿文：「我地係sales,唔係社會福利專員，關我向左走向右走事咩，總之佢簽名，佢明白，我地就做佢，一個月幾百蚊姐，你話祈福黨呃佢幾十萬就話Hi Hi啫。」
我：「係啫，不過⋯」
阿文：「做人唔好婆婆媽媽，一係做好人窮到死，一係做衰人賺到死 你自己選擇啦。」
我：「⋯」
同阿文一席話，勝讀十年書，不過我天生係衰傻的嗎,心軟加善良，要我咁做，我寧願辭職
但我入得黎one2free,我就想揚名立萬，我唔想咁就走，於是網上銷售成為喺one2free的轉折點
D 濕勁上司最鍾意用汽水機同sales做比喻，即如果公司個plan咁易賣，使向左走向右走請sales咩，擺部自動登記機咪ok,佢滷味D上司真係狗向左走向右走到，月頭對你笑騎騎，月中對你放毒蛇，冇數？Hi到你Hi Hi，佢滷味以為自己係黃子華，寸人寸得好開心，聽落似梁振英講廢話，真係頂唔順？
冇數？狠心咪有lor,捉D道友、傻佬埋黎登記，今個月咪又可以順利過渡，偏偏我過唔到自己個關，挨向左走向右走佐上個月，日日唔同地方，港島又有，將軍澳又有，唔向左走向右走遠唔叫我去，每一日我都咁勤力，出糧先知人工低過麥記員工。
冇數？上司冇人情味，咪最後通牒，下個月唔到數，麻煩執包袱！
於是我上網，點搞？uwnats 鄉土 親子王國 高登等等論壇都成為我每日奮鬥的地方，瘋狂註冊，瘋狂洗版，不停俾人ban不停又post,同版主打游擊戰，先可以勉強令人睇到我個廣告。
我唔知運氣話黎就黎，定自己真係叻仔，好多人whatsapp我問offer,我逐一耐性回答，之後約佢出黎簽約，講解講到口臭都繼續講，因為我希望每一個同我登記的客人，都清楚自己個合約內容、回贈、預繳等等
我發覺網上d客都幾欣賞我，覺得我老實，可靠，於是我越做越多單，第一次「到數」
出糧有2萬，嘩，第一次出咁多錢，喺工作期間，我忍唔住去廁所，喊佐出黎
正當我雄心勃勃，希望以後個個月都再接再厲，估唔到，身邊同事竟然喺背後捅我一刀
以前我做野，通常係1萬鬆D，家用都俾8000，我唔係強調自己有幾孝順，只不過我唔煙唔酒冇拖拍唔叫雞唔出街唔玩online game，基本上我覺得有錢多，就俾屋企，希望老母可以星期六日放假，唔使ot，希望個妹食好住好讀書好，我自己知道自己賤命一條，天生天養，我冇為自己未來打算過，我唯一嗜好，就係食好少少，以前冇錢咪挨麵包，搵到少少就食好D，我所講食好D，唔係價錢上食貴D，而係多幾餐麥記、吉野家同唐記包點，我已經好滿足，平時我一個麵包頂半日，有時候唔食添，今次出佐2萬，我對one2fee產生感情，我覺得係皇恩浩蕩（我知我咁講好傻的嗎),但我覺得人對我好，我就會易充滿感激
即同事幫過我，我都心充感激，同佢地無所不談，包括我心底說話，我後來先知道，電訊界sales,真係冇咩好人。
你冇數，佢恥笑你點解唔去做保安
你有數，佢妒忌你點解可以爆曬數
明明我係安守本份的人，卻屢次俾人中傷我。例如話我有數唔識人喇，寸喇，9屎
我後來D場都好返少少，我落到場都讓人開單，我自己寧願打機都唔同人搶，因為我上網有數，我抱住大家開心的期望，希望人人有錢搵
結果呢？有人就去marketing 投訴我上網post offer,嚴重影響落場sales的生意
個陣我真係好嬲，點解要篤我？而且仲要俾我知道佢就係平時同我好friend的那個sales
即係咁，點解要咁對我？至此我對身邊同事開始有戒心，我發覺sales的世界係是非天堂，一個唔覺易就會俾人暗算
嗯，公司出佐warning letter俾我，咪再上網搵客
於是我唯有寄望落場勤力D
如果你入行做電訊sales,唔係門市個隻，係街霸，麻煩你一定要到數，因為到數同唔到數，每一張單的傭金都可以差幾條街，同埋在職同離職，份傭金都可能唔同
因為傭金計算方式，係難拆過南北韓問題，電訊公司永遠唔會清楚同你講，經常要你左問右問，糊裏糊塗，到你奶佐野，都敢怒不敢言！one2free就冇乜點陰我，反觀pccw就真係Hi Hi黎，呢個後尾會講，先講返one2free。
好喇，童話破滅，蜜月冇佐，唔可以上網做生意，唯有落場堅砌。
落場，總會擔心，有時候唔係個客有幾咁刁鑽，而係個同事有幾Hi Hi，之前講過，有人為求到數，自己拎自己身分證登記不在話下，最鍾意搵道友登記或者D神智不清的人登記
舉個例子：one2free個期好興，現有客戶免預繳出機，即可唔使預繳唔使信用卡，重新簽約24個月，月費300-400不等
好喇，呢個漏洞最後都俾人發揚光大，好多sales就開始從中獲利
具體即係交單時明明係出iPhone,到個客人手上變成s4或者其他cheap 機，當然個客唔會投訴，因為個客唔會知道自己係出iPhone,而個sales就從中賺取差額獲利
又或者索性唔俾機，叫個客交400蚊一個月，5gb上網不過冇機。得幾張爛鬼coupon。
我本人好憎佢地做法，不過又唔想Hi7佢地，唯有笑笑口扮唔知，經歷過上網銷售俾人篤背脊，我已經小生怕怕，點向左走向右走知隔離呢個係咪牛鬼蛇神
而此刻情況，就好似以前警局咁個個都貪污，你唔貪就俾人杯葛
做sales,絕大部份都咁做，我唔做，所以俾人冷嘲熱諷，暗地裏又唔知出咩招陷害我
慢慢地，我開始喺落場站穩腳，條數都唔算差，滿以為出糧好D
原來，唔到數，真係差好多，不過我冇灰心，自問我的人工吧，對得起我天地良心