CEC國際（759）旗下阿信屋今日起推出全線7折優惠，老闆林偉駿向本報表示，有近一年無推出過如此大規模的折扣，「今次盤點想早啲散貨，供應商都肯平啲俾我哋，證明個市真係好差。」另外，目前阿信屋有228間店，到10月會減至220間左右。
林偉駿表示他目前仍在貨倉盤點，希望今次減價散貨，「伙記唔使再通宵點貨」。由於早前內地「限韓令」，令大堆韓國貨，甚至日本貨未能通關，被迫留在香港，供應商於是向本地零售商埋手，減價求售，「我哋為咗搶貨，費事讓對手拎咗貨後減價打我哋，所以我都掃咗幾十個貨櫃嘅貨，3月嘅貨已經清曬，4月嘅仲未賣曬。」
今次阿信屋除了正價、公價貨，連一向不會再減價的「折實價」及「促銷價」貨都納入七折促銷行列，買100元再95折，林偉駿直言已經有近一年未試過減咁多價，他形容市差到「唔俾錢都攞唔到咁多嘢。送畀佢都食唔到咁多。」他表示生意亦跌了9個月：「由嚿年5月起一直跌，到今年2月叫好返啲，冇話插水式再插落去，只係平穩啲，但大家都係度捱緊跌到今年2月先叫平穩返啲，3月份按月比較終於升返，4月都升到幾個%，而家唔跌已經好好彩。」
他續指，由於之前心雄開太多舖，部分捱貴租，到今年10月前都不會再擴張，更會關十幾間阿信屋，主要是街舖，再租3間領展（823）或房署的舖：「啲街舖業主，寧願吉咗間舖都唔租出去，佢哋真係好有錢，租金都冇減到，而家要穩陣，暫時都唔會諗擴張同新嘢住。」
希望肥佬睇到留言，唔係個市唔得，係你啲貨勁唔得，搞清楚主因先喇。入咗垃圾貨無人買，來價幾平都做唔到生意㗎。
尤其細舖啲貨種類少，重覆，來源國家又奇怪，又唔好食
仲有折乜義遮！米又系抬高原價又話打折，你呃細路都呃吾到啦，D貨一D都吾平！