黃子華喺劇集同埋篤棟笑方面，都有好大嘅成就，仲得到咗「子華神」嘅稱號添！
最近就拍住余詩曼，一齊拍電影《棟篤神探》。
其實子華神一向都有票房毒藥呢個稱號，今次又會唔會成功打破呢個傳奇呢？
子華神對上一次擔正嘅而有上映嘅電影，已經系2007年嘅《嚦咕嚦咕對對碰》。
之後子華神都有客串喺某啲電影，不過唔系擔正。
其實喺14年，子華神就同埋鄭中基，一齊拍咗套電影《神秘寶藏》，不過套戲都今時今日都未上。
講到子華神拍過嘅電影，好多都負評如潮。
當中最令人深刻嘅，就當然系子華自導自演嘅《一蚊雞保鑣》啦。
子華神曾經接受過媒體專訪，對於《一蚊雞保鑣》嘅票房，佢就話：
「我系試過拍《一蚊雞保鑣》嘅人，用咗好多心機，裡面有咁有趣嘅嘢，但最後仆街仆成咁！」
子華神喺自己嘅棟篤笑《娛樂圈血淚史2》入面，就講過試過喺一個商場入面拍戲，拍拍下有一個叔叔行過，仲講咗句粗口鬧佢。
而子華嘅fans都應該會知，佢講緊嘅系《嚦咕嚦咕對對碰》喇。
仲有一套不叫好又不叫座嘅《情意拳拳》，當年子華神同應彩兒做男女主角。
但可惜成個故事嘅結構，同子華拍住梅艷芳嘅《男歌女唱》太相似，最後都系慘澹收場。
如果要講滄海遺珠，就系子華神同張達明一齊拍嘅《亞李爸爸·兩個大盜》。
講出嚟就唔系好多人都識，但如果自問鍾意子華嘅，一定要睇呢套。
故事講子華神同張達明兩個人去打刧，當中點樣訓練、籌備，笑料十足，仲有黎耀祥嘅演出。
其實所謂嘅「爛片」，都只不過系票房計算。君不見，大把國產高票房真爛片！真系睇到人痴線！