無線劇《心理追兇Mind Hunter》，率先跑出的不是心理學家馬國明，亦不是疑似殺人兇手王君馨，而是在其中一個單元弒母的麵店少東何遠東，「屍水溝牛雜」固然令人毛骨悚然，但他發現自己是殺母真兇，淚崩自責一幕，才是該集的高潮所在，更讓何遠東獲得網民洗版式激贊，能夠演得如此投入，皆因他想起因病離世的阿姨，將悽慘愁苦的心情代入角色，終於讓他贏盡口碑。
何遠東憶述阿姨離世後，由他幫忙打點身後事，所以在劇中見親母馬海倫最後一面，演來特別投入。
笑口常開，仿如沒有煩惱的何遠東，原來曾試過人生低潮，甚至產生了輕生諗法，相當出人意表，他接受《香港01》訪問表示，「坦自講30歲前，即系廿零歲嘅何遠東實在太幸福啦，由細到大都系過住無憂無慮生活，從來都冇悲慘回憶，所以我個人好樂觀、好開心，但差唔到去到30歲，突然發生咗好多事，嗰時一次過接受唔到咁多咁慘嘅嘢。」
何遠東在《心理追兇Mind Hunter》中的神級演技，讓他獲網民洗版式激贊。（網上截圖）
何遠東在2013至2015年間，先經歷了失戀，跟拍拖十年的女友分手，其後再遇上喪親，由細睇到他大的阿姨因病離世，「到依家我同屋企人都仲過度緊呢件事，因為好突然嘅我阿姨件事，有事到走其實好短時間。我都叫做睇住啲表弟妹大嘅，我哋親戚唔多，好多嘢都系我去打點。我覺得應該要咁做，阿姨對我好好嘅，有啲乜嘢事佢都系阿一時間出嚟撐我，我又系做大嗰個，冇理由唔幫手。」
馬國明憑住心理學知識，終於查出真兇是何遠東。（網上截圖）
在4月啟播的《心理追兇MindHunter》，帶給何遠東事業高峰，但另一方面，4月亦是他阿姨離世的月份，「屋企人都好敏感，都唔想去提呢件事，但冇辦法啦，我套劇又系4月份出，好難受，提起件事都好催淚。」想起阿姨，何遠東愈說愈哽咽，更沉默了十多秒鐘，讓他收拾心情才能繼續訪問。他回憶起跟阿姨的點滴生活片段，瑣碎而溫馨，「我哋住得好近嘅，成日食飯見面，你知我好為食㗎嘛，阿姨有乜好嘢食，其實唔系乜嘢貴嘢，都系麵包、壽司之類，但佢覺得好食嘅，都會買返嚟一齊食。嗰時同阿姨好close嘅，記得我細個出水痘，阿姨陀住個B都嚟照顧我，嗰時我瞓上格床，落床時仲差啲踩落佢度，我覺得我要報答佢囉。」
阿姨急病離世，比起失戀對他的打擊更沉重，何遠東經歷了別人不知道的低潮期，讓他打消輕生的念頭，全靠朋友送給他三隻字，「情緒上面低潮啫，做得呢行，工作都一樣要做。同埋冇人知㗎，冇人知你低潮，我亦都唔會周圍同人講，「我好傷心呀」。好彩朋友送咗我三隻字「同人講」，依家有乜事都好，都會同人傾訴，你系會好舒服嘅，身邊有朋友唔開心，我都叫佢哋同可信嘅人講，有個威力系度嘅，一句鼓勵已經差好遠。」何遠東在《心》劇的戲分已經告一段落，但之後還有同樣人腳，馬國明、馬海倫的《降魔的》，到時又會見到何遠東的演出，是否繼續演悲劇人物，大家要拭目以待啦。
何遠東最後自責弒母一幕，讓人印象深刻，讚不絕口。（網上截圖）