最近有香港媒體喺網上發起投票，票選出十大演技最差藝人。
而冠軍得獎者蔡思貝，最終以超過4千票奪得！
真系恭喜曬～
蔡思貝自從2013年得到港姐亞軍後劇接劇，鬧小花荒嘅TVB有心捧紅佢。
可惜演技嫩過BB班嘅佢無乜觀眾緣，套套劇都俾人大彈演技聲線煩膠。
成功打低同屆港姐勁敵陳凱琳得到冠軍，可以話系實至名歸！
第二名由近期風頭躉，被踢爆疑似一腳搭兩船嘅鄭俊弘，以3千幾票奪得。
鄭俊弘喺《與諜同謀》嘅演出令人震驚！
即使有老戲骨羅嘉良喺側邊傍住都補救唔到。
網民評為：「演技虐待觀眾」，佢都系返去拍拖唱歌吧啦～
以二千四百幾票得到第三名嘅，系紅爆內地嘅陳偉霆。
陳偉霆喺香港雖然人氣麻麻，但去到內地成為一線小生，不過演技同唱功被批評無乜改善。
已經離開香港觀眾眼球嘅佢竟然能夠得到季軍，相信系因為早前佢喺一套內地劇入面嘅喊戲有關。
個場戲深深咁勾起香港觀眾對佢嘅回憶，喺腦海中揮之不去，成功得到第三名。
第四名系2013年港姐冠軍陳凱琳，以200多票之差輸咗俾陳偉霆。
陳凱琳樣子漂亮，可惜出道日子短，演技同蔡思貝不相伯仲。
觀眾最怕佢把聲，嫌佢煩膠，連黃秋生都評佢做戲太多小動作。
揸槍個樣好猙獰，相信演技仲有排執。
緊隨其後嘅系被評適合拍旅遊節目多過拍劇嘅黃翠如。
黃翠如加入TVB之初拍攝嘅旅遊節目都深得觀眾歡受，仲被冠以翠如BB之名。
大家又贊佢夠真夠貼地，可惜一拍劇之後就劣評如潮，被踩「戲屎」、「得一個表情」等等。
【票數】
蔡思貝：4187票
鄭俊弘：3183票
陳偉霆：2431票
陳凱琳：2245票
黃翠如：2202票
莊思敏：2177票
吳業坤：1689票
吳若希：1367票
梁烈唯：1024票
傅嘉莉：913票