其實我都清楚大眾心理
所以已經冇講過自己買樓嘅事，
但係收樓時撞到朋友（都幾熟）
朋友面色即變
個樣好似好妒忌咁
冇乜講嘢就一粒聲走咗
過咗幾日，中學朋友圈班八公八婆
開始喺度討論，講嘢單單打打，問我啲錢點嚟，話我父幹，笑我做奴隸，話我供得掂至好，又話接火棒⋯⋯⋯
我想講，我買樓關佢地鬼事咩
佢哋買唔到樓，又關我鬼事！
佢哋真係食提子大
各有前因勿羨人
我畢業後死慳死抵接近10年，一次旅行都冇去過，
一年睇唔到兩次戲
佢哋班友個個大花筒洗腳唔抹腳，
九成人一年最少去三次旅行，
嗰度已經一年要五皮野啦。
仲未計佢哋平日生活模式，
食晏晝都要去貴餐廳，一餐8-90蚊
仲要大部份人係冇投資
正宗月光一族
唔好話買樓，叫佢哋買一手匯豐錢都冇呀
明明自己一分錢都唔存，
但係就怪政府唔幫佢哋置業
但係明明政府就出過幾次辣椒，
又不斷起公屋居屋
依家年青人風氣真係好唔掂，
努力搵錢存銭買樓，
變到好似要偷呃拐騙咁
開始明白點解老一輩講而家年青人係廢青
依家班癈清抵死啦，佢哋慢慢租人樓，結婚都同父母住一世啦