我遇到色魔 ……
坐港鐵，呢位色魔坐響我右邊，用膝頭撞我大脾，我以為自己坐得唔好所以移過少少，比空間他。隔一陣他又用膝頭撞我大脾，我轉頭望他一眼，個人再縮埋一點。再隔一分鐘，他伸手響我後面用力揸我pat pat，我即刻彈起，問他仲咩，他口啞啞問咩事呀。我話你仲咩摸我，揸我pat pat，你係咪以為女人就好好蝦。隔2個位的女仔問要唔要報警。他大聲話你咪報警囉，我再摸多幾下都仲得呀。他覺得我唔敢報警。我㩒鐘，港鐵職員下站接左我，我好大聲同他講你唔好走呀。入到站長室他話趕住返工對唔住叫我算啦！我話你摸完我叫我算呀！職員問他攞資料，他手震震攞身份証出嚟，跟住又話要去廁所，我話你唔好走呀！職員就陪他去廁所再帶他返，他一直叫我算數啦！
職員就將他隔開，再call警察。亞Sir嚟到問我過程，問摸我維持幾耐，我話他一揸我就彈起走啦！唔係仲坐響度比他繼續摸呀?最後亞sir話當場冇証人好難告他喎。港鐵職員都話他手都震埋又講對唔住，應該真係有做過。問左一大輪，攪左一個下午，浪費時間，話多數唔夠証據，叫他入嚟同我道歉，簽名走喎。我想講其實我頭先都好驚，心跳加速，唔知點做，但我已經好勇敢，大聲叫到全個車廂既人都聽到，我覺得唔可以放過呢d禁既人，唔係一定仲有下一個受害者。我唔識法律，但我已經好勇敢企出嚟報警。警察話唔方便講他資料比我聽，但職員問他資料時我聽到，羅x平，仲影埋他個樣。