TVB新劇《心理追兇》前幾日終於開播。
而馬國明，又系首次擔正做一個「正正常常」嘅男主角，所以都幾值得追劇嘅。
劇集講述Dr.鍾(馬國明飾演)系一名心理學家，會四周用激進嘅手法為有心理問題嘅患者治療。
馬國明靠對方嘅眼神、衣著、動作、對答就可以知道佢嘅心理狀況，非常犀利。
不過，咦，點解越睇越覺得熟悉嘅？
原嚟系林保怡未離開TVB時都喺《讀心神探》做過同類型嘅角色。
呢個都唔緊要，因為推理破案劇，不嬲都幾好睇。
但系，之後竟然有蔡思貝出場！
佢就系飾演自閉症童日(楊明飾演)嘅妹妹童月。
由於佢阿哥有自閉症，情緒管理及交際技巧都比一段人低，所以唔小心會惹怒上司，被人告上法庭。
雖然楊明最後無事，但蔡思貝繼續發揮佢最拿手嘅演技——
就系不停、不停、不停，提醒人哋可以做呢啲、唔可能做果啲……
而且佢喺劇集中系一名社工，為咗照顧離家出走嘅青少年，不斷追住人哋。
當然，身為家人同社工，呢啲行為都系出於好意，但大家都知蔡思貝嘅演技啦。
佢做嘅話，煩膠嘅效果，特別出眾。
相反，飾演馬國明女朋友嘅湯洛雯，就養眼得多，一條白色長裙增添氣質。
如果由佢做蔡思貝嘅角色，咁被佢煩，應該好多人都願意……