陳嵐爆成龍被勒索。
「小龍女」卓林早前因報警一事令兩母女關係陷僵局，日前吳綺莉更在記者會上喊爆，陳嵐出席活動時，陳嵐初時以「人哋家事我點講」作回應，但問到成龍作為爸爸是否會負責女兒學費及生活費？她忍不住開腔護友，她說：「有人夾硬要生佢（卓林）出嚟，卓林喺成件事裏面係最無辜同最可憐，呢個係佢阿媽嘅選擇，卓林冇得揀，令成龍喺一個兩難嘅情況之下。」陳嵐坦言不識認卓林，跟對方沒有溝通，至於吳綺莉年前一度陷財困，陳嵐稱不知情，再追問成龍有否給錢對方？她反問：「點畀呢？」之後又肯定說﹕「將來卓林大個21歲一定會畀，但唔會交畀吳綺莉。」
卓林、吳綺莉
陳嵐強調成龍是有情有義之人，私下為此事對著他們喊過多次，並大爆成龍曾被恐嚇勒索：「佢（成龍）表面咁做（對女兒不聞不問），私下你唔知佢為呢件事喊咗幾多次，佢始終有家室，佢做錯事，老婆又咁撐佢。佢接過恐嚇勒索，攬住我哋喊。（邊個勒索佢？）嗰個人已經『走咗』。」問到金額是否很大時？陳嵐點頭默認。
成龍
問到有否問過成龍呢件事，她續說：「佢同一班好友傾偈時會深入啲傾，大家都唔知點做。（成龍有冇關心卓林？）我唔可以代答，呢件事對嬌姐（成龍太太林鳳嬌）好唔公平，喺呢個環境都唔知點幫，嬌姐可能都想幫，因為始終係老公個種。」