我做過5,6年地盤 , 如果你唔係做科文/老細 既話根本搵唔到D咩錢
地盤起薪高, 但頂薪都好快到, 我已經做到師傅, 但個價根本有D野唔洗去到師傅做既, 老細就唔會叫你返
果陣我果行既師傅價係900蚊日 但一個月返得20日工左右都係得萬八
我當你可以有千二, 三蚊日 你係師傅跟本都好少會返足25,6日
行外人睇到有二千蚊日果D唔係比人食左, 就係好難做到
問心各位地盤師兄你地有幾多個真係對你做果行係有興趣?
你返工開心既係可能同D師兄邊玩邊做, 但開心既元素大部份我相信唔係來自工作本身
你今日新仔入行可能搵到萬五六蚊, 但其實你除時做十年都係兩萬蚊
我當時一樣返工同玩差唔多 食煙多過做野
但我已經睇透左,
當初我轉職係降薪, 連勤工津貼月薪萬四左右, 但我有福利 雙糧 花紅 年假, 5天工作
做左幾年我升左掃把, 而家我個個月萬八左右 同樣有雙糧花紅年假5天工作, 我年假仲要去到18日
而家我計返我年收入同計返日薪我都係高過當初我做師傅地盤既收入
我諗當初我係師傅做幾年根本冇得再升, 一係做老細
不過我做得開心 一邊進修一邊準備過兩年升manger
升唔到咪再做多一兩年再升囉
我條路起碼可以行得遠過當初做地盤
我唔係學歷高, 我都係得中五, 但我有進修, 我D下屬大學生都有
而家香港高學歷既人太多, 各公司HR都唔會因為大學生而請, 係睇返個職位職責黎請
你話夠唔夠我買樓呢D就唔好討論啦, 你要買樓你8000蚊都可以慢慢儲錢黎買
唔買既月入4萬蚊仲係住緊公屋我都識
大家如果你要入地盤, 就諗清楚喇, 好多行業其實到最後都可以高過地盤師傅
Sales / 倉 都可以, 睇遠D, 唔好一睇個起薪就入左去, 唔係既話只會浪費青春
如果我唔係做左地盤5,6年, 我神早已經係袋緊兩皮野舒舒服服既一個manger
講多句, 大家做人只要有責任感, 係香港返工唔好成日遲到早退請假
其實已經可以砌低好多人升職
唔計年假我做左幾年文職total都係請左3日病假同遲到兩次
我唔係針對咩咩後咩咩後, 但係呢D條件係返寫字樓必須既, 你請得多假唔係會炒你果D
只係你升職有D麻煩囉 你出勤率唔高, 你點做人掃把啊, 你條team有咩事搵唔到你就Hi Hi啦
做地盤果陣我射波就射我都可以去到師傅級 呢個係兩個世界, 因為你地盤射波冇錢咁解, 我返office
有病假補水, 大家襯後生可以諗下
不過做地盤唔係唔好, 我係地盤都學到好多野, 唔係工作上果D, 係做人