《乘勝追擊》大結局，唔少人睇完套劇都指呢套超多「癲人」。
好似吳岱融喺豹哥婚禮上亂槍掃射、汪子勁綁架大肚婆林夏薇、陳山聰無啦啦要同陳展鵬玩死亡直播，每個鏡頭都叫觀眾嚇餐死咁！
不過，大結局亦有三大「硬膠」位，完全超現實！唔知有睇開呢套劇嘅你，又有無咁嘅諗法呢？
1. 殺人唔使坐監？
喺成套劇入面，打打殺殺嘅鏡頭都見唔少，不過點解每次殺完人，啲主角都唔使坐監嘅？
好似豹哥開槍殺咗自己好兄弟，但到最後都系大團圓結局繼續做賭王，唔通真系因自衛殺人唔使坐監？
有香港網民就系咁解釋嘅。
2. 豹哥傷咗脊骨咁快好返？
因為吳岱融喺豹哥婚禮上亂槍掃射，搞到豹哥脊骨傷咗行唔到要坐輪椅。
點知當黃子雄要殺佢果時，佢竟然企得返起身，嚇，咁快就好返？
上一秒坐輪椅！
下一秒企起身殺人！
3. 陳山聰又系不死人？
到差唔多結局，又系混亂糾纏中開咗槍殺人，當然中槍果個系壞人陳山聰啦！
仲要喺下巴位爆頭，今次實死啦！點知又系不死人，只系入咗精神病院咯！
咁樣爆頭法，真系唔明點解仲有生存機會，唔通又系不死人？
既然系TVB出品，到最後當然又系Happy Ending啦——
所有壞人：蔣天龍，伍柏義，周兆良，林磊各自都有悲慘嘅下場。
而阿花最終都安全誕下女嬰，升哥同丘月華最後有情人終成眷屬。