2001年國際中華小姐冠軍、今年38歲的 廖碧兒 (Bernice) 入行多年，演藝事業未算大紅大紫，數段戀情亦是無疾而終。雖然Bernice近年不時宣稱自己單身，但日前傳出佢已經秘撻一名神秘富豪男友，衣食住行通通變得富貴，做富婆歎世界！
秘撻富豪
貴為華姐冠軍的廖碧兒，樣貌身材都絕對係女神級，多年來曾與劉愷威、陳豪及「富二代」林忠豪等拍拖，但通通都係分手告終，劉愷威及陳豪現時亦各自有家室。Bernice年紀都唔輕，近年不時都對外宣稱單身，話想搵番個好男人。日前就傳出佢終於有著落，秘撻一位神秘富豪男友！
秘搬豪宅 買千萬酒莊
有男友照顧的Bernice全面升呢，遷離與父母同住的將軍澳寓所，秘密搬到大埔倚龍山莊千萬豪宅，更有一名女司機管接管送。有大水喉射住，Bernice更全力向商界發展，擲千萬在法國買酒莊、中環開酒吧、香港仔開設中央廚房等，果然生財有道！
大埔倚龍山莊
低調拍拖
Bernice與富豪男友拍拖後極力保持低調，出入警覺性十足。上月6日38歲生日的Bernice在生日前一日密會男友，據知佢當日下午由女司機接載離開大埔豪宅，先與朋友歎茶及晚膳，至晚上約十時就由司機直駛山頂，趕住與男友甜蜜慶生。期間司機更不斷在附近兜圈，確保冇人跟蹤，隨後駛入僑福道的山頂豪宅。
闊太生活
升呢後的Bernice平時唔使開工就過住闊太生活，得閒就約朋友歎茶行街街，又會去美容院扮靚，仲有做瑜伽keep住弗爆身材，時刻保持最佳狀態！而為免男友呷醋，Bernice樂意做異性絕緣體，平時出街只會約女性朋友見面，連司機都係女仔，似乎一心一意等做富貴少奶奶？