警訊
故事發生喺三個月前⋯
有一日家姐同我講喺太子地鐵站A出口遇到一個好慘嘅人 ⋯
佢坐喺樓梯不斷喊 發出嗚嗚嘅悲鳴聲
親愛嘅姐姐就走咗去了解嚇個情況 ⋯
呢個男人話前日啱啱放監出嚟 冇地方住 冇工做 無錢 非常之徬徨 悲從中來所以忍唔住喊⋯
家姐俾咗＄100佢 佢就跑走左
聽完之後 我講咗句 「睇多啲警訊啦！」
一個月前 見到有個朋友share 咗同一個故事出嚟 ⋯同一個！但故事地點改咗喺旺角地鐵站～
今次呢個善長叫醒小小， 淨係買咗啲日用品同食物俾佢～ 仲影埋相添～ 一認之下梗係同一個人啦！
憤怒到極點 仲乜要利用人哋嘅善良黎厄人？！！！
後來知道佢嘅成功率好高！尤其婦孺同年輕一輩最易入局～
今日 冤家路窄～
太子地鐵站A出口～
乜又係你呀陳生？
今日佢又啱啱放監 又冇地方住 又冇嘢食 又大喊！！ 為咗解決佢燃眉之急⋯ 我第一時間報警～
既然咁多年都搵唔到地方住 警局都話曬有瓦遮頭丫～
呢區啲呀婆80幾歲都執紙皮自力更生 ～呀叔你喊乜嘢？行得走得做戲咁叻 點解唔去做臨記呢？
下次見到佢 麻煩大家高抬貴手再舉報～如果大家手痕好想做善事 就行多兩條街搵下啲露宿者， 你就會知道乜嘢叫做真係窮真係慘！
呢幾日咁凍 夜晚出街帶多件褸去深水埗行一圈 你一定搵到人送~ 切忌林鄭式現金饋贈～
資源係應該用喺有需要嘅人身上！