網上傳出一張銅鑼灣富臨飯店的大年初一收據，金額高達6.2萬元，其中的「加二服務費」就佔1萬元，8隻16頭「阿一吉品鮑魚」則價值3.7萬元。有網民對此價錢譁然，甚至批評收兩成服務費太過份，但有網民則認為富臨作為高級餐廳收費自然昂貴，還取笑大家只是大驚小怪。
富臨飯店創辦人楊貫一接受《蘋果》查詢時霸氣地說：「6萬幾蚊好平常啫，隨時都有，10幾萬銀一餐都有。」他解釋，富臨出品的鮑魚質素高，來貨價錢本身也高，貨源又少，所以自然要賣得貴，「買返嚟都要咁貴，啲12頭（鮑魚）要5萬幾蚊一斤，咁你賣幾錢一隻呀？啱唔啱呀？有時（我哋）唔係賺好多錢㗎咋……你話貴？貴都有人食呀……食鮑魚要講價值觀㗎！」
對於收取加二服務費，楊稱每年農曆新年都會這樣做，並不稀奇，「有啲大客嚟到都唔會計呢啲問題，佢都知道㗎啦」。他又補充說：「富臨係鮑魚貴啫，其他嘢都唔係好貴」。
過年食好啲 豪食單據開眼界
兩張單據埋單所費不菲，讓網民大開眼界。(fb「盡在元朗」圖片)
一年一次過新年，不少人都甘願奢侈一點「食返餐好」。近日網上就熱傳兩張照片，分別是兩張大面額的酒樓單據，引來不少網民熱議，大開眼界。
網傳照片拍攝了兩張著名酒家的單據，其中一張埋單總計是6萬多港元，而另一張更是超過30萬港元，當中都點了多隻鮑魚、花膠等名貴菜式，而單是服務費就已經要過萬港元。
照片引來不少網民大開眼界，有人笑問是否以其他貨幣計算，又有人表示如果中了六合彩也會吃。亦有人認為吃鮑參翅肚當然不便宜，慨嘆「富人一餐飯，窮人半年糧」。另有網民表示這對有錢人來說不值一提，直言「有錢人嘅食法平民識條鐵」。
網民有話說
Jason Chiu：我中咗六合彩，我食夠五十萬都得啦
Ken Chan：泰幣呀？
Tony Chow：富人一餐飯，窮人半年糧。
Kenny Lau：好多有錢人食飯又點止6皮嘢呢，窮人食幾隻10蚊生蠔都要影相放fb，有錢人就影張單
Joe Leung：有錢人嘅食法我哋平民識條鐵咩
Marcus Tsang：人哋一日可能真係幾百萬上落，呢餐同我地篤串魚蛋差唔多