新年逗利是 數量三倍增全攻略 !!
「恭喜發財，利是逗來！」新年逗利是越多，當然越開心，那究竟有甚麼妙法可以多逗一封利是呢？
記者：鄒倩婷 攝影：李漢基、馮就康
1.洗樓
「公司同事佢哋會洗樓。」東瀛遊執行董事禢國全除了自己會主動派利是，指辦公室員工都會自動洗樓逗利是。
2.組隊+誠實
「同事自然會組隊！」禢國全又表示員工會組隊入上司房，一起湊熱鬧逗利是。但褟提醒，「有時真係員工好多，如果老闆畀完之後唔記得，再畀你，你就要好誠實話佢聽我攞咗，可能上司見你咁誠實，畀多封你都唔定！」
3.扮熟
上司的利是「走唔甩」，同事的利是都一樣，只要一年扮一次熟便行了。無論是合作過一次，還是平日「撞口撞面」的，都上前說句恭賀說話，多幾封利是絕對不難！
4.出狗
各位單身又有養寵物的人士，不妨帶著愛貓、愛犬一起拜年，順便為牠逗多封利是！
雖然新年逗利是是傳統，不過759阿信屋老闆林偉駿則反傳統，寧願環保慳利是封，「為咗攞封利是勞師動眾，索性利利是是，喺糧嗰到計數！」