講返小小背景先，我26歲，男友大我3年，我地一齊左4年幾，一路以來佢都同同我講話等我29歲先娶我，但我唔想，我想越快越好，佢話結婚使好多錢，我其實諗既然旅行結婚註冊，2個人一齊儲都唔難
同埋係佢話唔想搞甘多儀式又擺酒又出門，好煩，雖然屋企人都想我地擺，但佢唔想我都唔想逼佢，甘我就諗既然早結遲結都一樣，點解唔可以早d呢？
佢成日話我無錢，所以唔想結婚住，我係窮d，但我都有返工，收入係少d，都有9000至10000
佢就搵18000，叫做有少少家底，佢呀媽有幾層樓，最近買左層樓，係用佢個名買，因為個d首次置業，甘佢好強調層樓唔係佢，又同我講話第時結婚要同我簽婚前協議，甘其實我好唔開心，因為我覺得佢係諗住第時要同我離婚，先諗定要簽，既然一開始同呢段婚姻無信心，點解仲要結婚？
佢就解釋就話唔想佢呀媽覺得我嫁比佢為左佢副身家，所以簽左就會塞住佢呀媽把口……我都好無奈，想放棄