董敬文、盧峻峯及譚永浩呢三個名字，一聽可能冇咩人會記得係邊個，不過如果講到早前紅爆網絡的《每個人都有一首主題曲》系列，大家應該都會諗起嗰三位著古裝的年輕演員！三人不時在其Facebook專頁「喂 霞姨」上載搞鬼短片，最新一段短片就請來「最佳男配角」 韋家雄 ，以前輩身份分享人生經驗，三位年輕人一定獲益良多…… 好似唔係喎！
董敬文、盧峻峯及譚永浩發揮無限創意，將唔同藝人的名字融入經典歌曲中，仲會一邊唱一邊請該位藝人上鏡，唱得順口又搞笑！呢個名為《每個人都有一首主題曲》的系列共有三段短片，TVB老中青藝人都有份！
而在最新一段短片中，三子請來憑《梟雄》贏得「最佳男配角」的韋家雄，與大家分享經驗，明副其實係「塞錢入你袋」！不過，雄哥講啲嘢好似……
「喺非洲，每過60秒，就等於過咗一分鐘」乜有地方唔係咩？
「每個成功男人背後有啲咩？有條脊椎囉」 咁小編一定係個成功男人啦……
「人哋話香港競爭力低，冇錯㗎！你睇你哋三個，美國啲小學生都識講流利英文啦！」小編夠識流利廣東話啦！
最後仲要凍水嚟沖杯麵，呢個方法係影帝秋生哥教㗎！